ب/ باراپتر زانا دگەل هندێنە نەدورستە ژن بانگى بدەت، و هەكە بانگ دا ژى، بانگێ وێ ناهێتە حسێبكرن، و دڤێت جارەكا دى بانگ بێتە دان، و خودانێت ڤێ بۆچۆنێ شافعى و مالكى و حەنبەلى و زاهرينە؛ ژبەر حەديسا پێغەمبەرێ خۆشتڤى (سلاڤێت خودێ لێ بن) وەكى ئاخفتنا خۆ ئاراستەي زەلامان كرى ((فإذا حَضرَتْ الصَّلاة فَلْيُؤذنْ أحدكم وَلْيؤمَّكُمْ أَكْثرُكُمْ قُرْآنًا))، ئانكو: هەكە دەمێ نڤێژێ هات بلا ئێك ژ هەوە ـ زەلامان ـ بانگ بدەت و يێ پتر قورئان ژبەر، بەرى هەوە نڤێژێ بكەت. دگەل هندێ ژى ل دەف هندەك مالكيان و دەف حەنەفيان مەكروهە، و ل دەف حەنەفيان، هەكە بانگ دا پێدڤى ناكەت بانگەكێ دى بێتە دان و دورستە ب وى بانگى نڤێژ بێتەكرن، چونكى بانگ ئاگەهداركرنە ب هاتنا وەختێ نڤێژێ، بەلێ ل دەف ئەبو حەنيفە (خودێ ژێ رازی بیت) باشترە بانگ بێتە دانڤە ژ لايێ زەلامەكيڤە، و خودێ چێتر دزانيت.
