ب / دورستە و چو تێدا نينە، نەخاسمە ئەگەر هەوجەيى بۆ هەبيت، بەلێ هەكە بكەنە ئێك جماعەت ب خێرتر و باشترە، بەلێ هەكە نەشێن و هەوجەيى بخوازيت دوو جماعەت بێنەكرن پشتى يا ئێكێ خلاس دبيت دورستە و چو تێدا نينە.
ئيمامێ ترمزى و ئيمام ئەحمەد و ئيمام ئيسحاق خودێ ژ وان رازى بيت دبێژن: هەكە هەوجەيى هەبيت دورستە ل مزگەفتێ ژى دوو جماعەت بۆ ئێك نڤێژ بێنەكرن. و حەديسا وى مرۆڤێ پشتى نڤێژا ئێڤارى هاتيە مزگەفتێ و ديتى نڤێژا هاتيەكرن، هەما راوەستيا و ب تنێ نڤێژا خۆ كر، دەمێ پێغەمبەرێ خودێ (سلاڤێت خودێ لێ بن) ديتى يێ نڤێژێ ب تنێ دكەت، گۆت: ((كى دێ خێرەكێ دگەل ڤى كەت و نڤێژا وى ژى كەتە جماعەت))، ئەبو بەكر (خودێ ژێ رازی بیت) رابوو و دگەل كرە جماعەت. ئەڤە دەليلە ل سەر كرنا دوو نڤێژێت ب جماعەت، و ل كيرێ؟ ل مزگەفتا پێغەمبەرێ خودێ (سلاڤێت خودێ لێ بن)، نڤێژا ئێكێ ب ئيمامەتيا پێغەمبەرێ خودێ بوو (سلاڤێت خودێ لێ بن) و يا دووێ ب ئەمرێ پێغەمبەرێ خودێ بوو (سلاڤێت خودێ لێ بن).
