ب / پتريا پترين ژ زانايان و ژ هەمي مەزهەبان دگەل هندێنە.. نەدورستە ژن ئيمامەتيا زەلامى بكەت؛ چونكى بۆ نەدورستە بانگى بدەت و قامەتێ بينيت، چاوا دێ بەرنڤێژيێ بۆ كەت، جهێ ژنێ دگەل زەلامى رێزا پشت ويە، و هەكە بوو ئيمام دڤێت بەراهيا وى بكەڤيت، و ئەڤە نەيا دورستە، ژبەر ئەڤا بۆرى نەدورستە ژن ببيتە ئيمام، دگەل هندێ ژى هندە زانايان ئيمامەتيا ژنێ دورستكريە، ژ وان: موزنى و ئەبو سەور و تەبەري و سەنعانى خودانێ سوبل ئەلسەلام، ژبەر حەديسا حاكم و ئبن خوزەيمە و ئەبو داوود و بەيهەقى و دارەقوتنى ڤەگێراي: (عن عبد الرحمن بن خَلَّادٍ عن أُمِّ وَرَقَە بِنْتِ عبد اللَّهِ، كان رسول اللَّهِ صلى الله عليه وسلم يَزُورُهَا في بَيْتِهَا وَجَعَلَ لها مُؤذنًا يُؤذنُ لها وَأَمَرَهَا أَنْ تَؤمَّ أَهْلَ دَارهَا، قال عبد الرحمن: فَأَنَا رأيت مُؤذنَهَا شَيْخًا كَبِيرًا). سەنعانى دبێژيت: ئەڤە بەلگەيە ل سەر دورستيا ئيمامەتيا ژنێ بەرى خەلكێ مالا خۆ، خۆ هەكە زەلام ژى دگەل وان هەبن، يا ئەز ژ ڤێ حەديسێ تێ دگەهم دورستە ژن ئيمامەتيا زەلامان ل مالا خۆ بكەت، هەكە ئەو ژ هەميا زاناتر بيت، و پتر قورئان ژبەر بيت، و زەلامێت حازر د بێچارە بن، يان د نەزان بن، نەشێن ئيمامەتيێ بكەن، چونكى ئەڤە ژ حەديسێ دهێتە زانين، ئەو زەلامێ ڤێ ژنێ بەرنڤێژى بەراهيێ دكر، مرۆڤەكێ دانعەمر بوو، هەروەكى د ڤەگێرانا ئەبو داووديدا ئەڤە ئاشكرا يا هاتى، وەكى عەبدولرەحمانێ كورێ خەلادى ڤەگوهێزێ حەديسێ گۆتى: من موئەزنێ وێ ديت بوو يێ پير بوو، و ديسا د ڤەگێرانا ئبن خوزەيمە و ئەبو داوودا هاتيە يا قورئان خوين بوو (وكانت قد جمعت القرآن)، و خودێ چێتر دزانيت.
