ب / ب گشتى دڤێت مرۆڤ نەهێليت كەس د بەر نڤێژا مرۆڤيرا بچيت، هندى پێ چێببيت، و دا بەرهنگارى هندێ نەبى.. فەرە تو جهەكێ وەسا هەلبژێرى بەر نڤێژا تەرا نەهێن و بچن، يان شەملكەكێ بۆ خۆ دانى شەملكا تە تخويبێت تەنە، دەرڤەى شەملكێ كێماسى نينە هاتن و چۆن هەبيت، و دڤێت ئەم سڤك بەرێ خۆ نەدەينە چۆنا د بەر نڤێژێرا، پێغەمبەرێ خۆشتڤى (سلاڤێت خودێ لێ بن) دبێژيت: هەروەكى د موسلمى و بوخاريێدا هاتى: هەكە ئەو چلان خۆ بگريت بۆ وى باشترە ئەو د بەر نڤێژێرا بچيت، ڤەگێر دبێژيت: من نەزانى كا گۆت چل رۆژان يان هەيڤان يان سالان. بەرێ خۆ بدێ بۆرينا د بەر نڤێژێرا چەندا ب گونەهە دا نەكەڤيتە د ڤێ گونەهێدا هەكە ئەو ڤى دەمى راوەستيت بۆ وى چێترە ئەو سەبرێ نەكێشيت و د بەر نڤێژێرا بچيت.
بەلى ژن يان زەلام ل مال نڤێژێ بكەت و بچويك بهێتە سەر شەملكا وى كێماسى ب نڤێژا وى ناكەڤيت، و دورستە بەردەواميێ بدەتە نڤێژا خۆ، و بلا بچويك سەر شەملكا وێ بيت مادەم دشێت نڤێژا خۆ ببەتە سەرى و رەنگێ پێدڤى بچيتە سوجدێ، نەخاسمە هەكە كەس ل وێرێ نەبيت چاڤێ خۆ بدەتە بچويكى، و خودێ چێتر دزانيت.
