ب / راستە ژ مافێت زەلامى ل سەر ژنێ نابيت ئەو كەسێ بينيتە د مالا ويڤە بێى دەستويريا وى، و نابيت ئەو رۆژيا سونەت بگريت بێى دەستويريا وى و ئەو يێ ئامادە، هەروەكى پێغەمبەرێ خۆشتڤى (سلاڤێت خودێ لێ بن) دبێژيت: ((نەدورستە بۆ چو ژنان رۆژيا سونەت بگريت و زەلامێ وێ يێ بەرهەڤ و حازر بيت ب دەستويرا وى نەبيت، و نەدورستە دەستويريا كەسێ بۆ مالا وى بدەت، ب دەستويريا وى نەبيت)). بەلێ هندێ ناراگەهينيت زەلام ب چويڤێ كۆرە مافێ خۆ بخوازيت بێي كو وى مەخسەد و مەرەمەكا دورست هەبيت، هەكە وەكر يێ گونەهكارە، هەكە هاتنا ڤان ژنان چو خرابيێ نەگەهيننە وى و هەكە بەرنڤێژكرنا ژنا وى پێشيا ڤان چو كێماسيێ نەگەهينيتە وى، وى ماف نينە خۆ نەرازيكەت، دڤێت ئەگەرێ نەرازيبوونا وى يێ دورست و مەشروع بيت، هەكە نە.. ب چويڤكۆرەيى ناچێبيت.
