ب / دەسپێكێ پێدڤيە مرۆڤ ژ دەف خۆ چو رامانا ژ ئاخفتنێ نەبەت، و چو تەفسير و راڤەكرنا نەدەتێ هەكە زانين نەبيت، چونكى دبيت ئەڤە دێ گۆمانێ ل دەف مرۆڤى پەيداكەت، و دڤێت ئەم بزڤرينە زانايێت شارەزاييەكا موكم د دينيدا هەى دا مە ژ ڤان گرفتان قورتالكەن، و راستە نەتێگەهشتنا دورست دبيت ئالۆزيا پەيداكەت.
گەهشتە من جهەكى ل دهۆكێ گول مەلايەكى بوو ئەڤ دوعايە ل سەر گۆرێ ژنا وى دخواند، هەر ل سەر قەبرا ئەو و كورێت خۆ رابوونێ و گۆتنە مەلاى: تو شەرم ناكەى، چاوا پێش چاڤێت مە تو دبێژى: (ابدلها أهلا خيرا من أهلها) ئانكو: زەلامەكى ژ زەلامێ وێ باشتر بۆ بەدەلڤەكە، و هەكە خەلك نەببانە بەرەڤان دا نەخۆش بيت. ئەڤە هەمى ئەگەرێ وێ تێنەگەهشتنێيە هەكە كچ نەيا شويكرى بيت يان كورى ژن نەئينابيت، مەخسەد پێ ئەوە خێزانەك و خێزانەكا باشتر ژ وێ ئەوا تە بۆ وان د دنيايێدا داناي بگەهنە ئێك هەكە مابان و نەمربان، و هەكە يا شويكرى بيت مەخسەد پێ ئەوە زەلامێ وێ بۆ باشتر لێكە و رەوشتێت وى بگوهۆرە، و بۆ زەلامێ ژنا وى د بەحەشتێدا باشتر لێ بكە ئەڤەيە رامانا (وابدلها خيرا من اهلها)، و ب ڤێ رامانێ ژى د قورئانێدا هاتيە، خودايێ مەزن دبێژيت: ((يَوْمَ تُبَدَّلُ الْأَرْضُ غَيْرَ الْأَرْضِ وَالسَّمَاوَاتُ وَبَرَزُوا لِلَّهِ الْوَاحِدِ الْقَهَّارِ )) ئانكو: رۆژا عەرد و عەسمان وەكى خۆ نەمينن و دهێنە گوهۆرين، ڤێجا دڤێت ئەم بزانين (ابدله) ل ڤێرێ رامان ئەو نينە زەلامەكێ دى يان ژنەكا دى هەكە هەمى بەحشتى بن، بەلكى مەخسەد پێ هەر ئەو ژن و زەلام بەلێ يێ بەدل بووى و گوهۆرى و باشتر و ب ساخلەت و رەوشتان هاتيە بەدلكرن و گوهۆرين، و خودێ چێتر دزانيت.
