ب/ ئەو كەسێ رۆژيێت خۆ خوارين و جارەكا دى نەگرتين، هەتا رەمەزانا دى ب سەردا هاتى، ئێك ژ دوويانە، يان ئەوە يێ رەمەزان ب سەرداهاتى و دەرفەت بۆ چێنەبووى رۆژيا خۆ تێدا بگريتەڤە، و قەزا بكەت، ڤيايە بگريت بەلێ يێ كەفتيە د نەخۆشيەكێدا، يێ چێبووى و ڤيايە بگريت جارەكا دى يێ كەفتيە د نەخۆشيەكا ديدا، و هۆسا هەتا رەمەزانا دى ب سەردا هاتى، ئانكو: ژ دەستويريەكێ يێ چۆيە د ئێكا ديدا، بۆ نموونە: وەكى ژنێ، دڤێت بگريت يا ب حال كەفتى و نەشێت بگريت و پاشى بوو بچويك شير و نەشيا بگريت، ئەڤا هۆسا وێ خەمسارى د قەزاكرنا وێدا نەكرى.. بەلێ نەشيايە بگريت، ئەڤا هۆسا وێ خەمسارى د قەزاكرنێدا نەكرى بەلێ نەشيايە بگريت ژبەر هندەك ئەگەرێت بێزاركەر، وى وەختى ئەڤە دێ بەس وان رۆژيێت خوارين قەزاكەت و چو بەدەل و كەفارەتان نادەت، بەلێ ئەگەر وێ رۆژيا خۆ بێ دەستويرى خواريە و خەمسارى ژى تێدا كريە و شيايە بگريت بەلێ ژ بێ خەمى نەگرتيە هەتا رەمەزانا دى ب سەرداهاتى، لێكنەگرتنا چێبوويى د ناڤبەرا زاناياندا د ڤێ رەوشێدا.
ئيمام حەسەن بەسرى و ئيمامێ نەخەعى خودێ ژ هەردوويان رازى بيت، دبێژن: ڤى مرۆڤى ژبلى قەزايێ چويێ دى ل سەر نينە، چونكى بەلگەيێن ژ حەديسێ ئان ژ قورئانێ كو تشتەكێ دى ژبلى قەزاكرنێ ل سەر ڤى مرۆڤى هەبيت.
بەلێ جمهورێ زانايان دبێژن: ئەڤێ هۆسا دوو تشت ل بەرن، ئێك: دڤێت رۆژيا خۆ قەزاكەت، دوو: دڤێت كەفارەتێ ژى بدەت، و بەلگە و نيشانا وان قياسە (پيڤانە) ل سەر وى ئەوێ پێ چێ نەبيت رۆژيێ بگريت، دێ بەدەلێ دەت، رۆژى قەزاكرن ژبەر ئەوا خوارى و كەفارەت ژبەر كو بێ دەستويرى رۆژيا خۆ نەگرتيە هەتا رەمەزانا دى ب سەرداهاتى، و خودێ چێتر دزانيت.
