ب/ ئەوێ ب رۆژى و ژ قەستا (عمدا) بچيتە نڤينا ژنێ، ب راستى وى خەلەتى و گونەهەكا ژ گونەهێت مەزن كر، جزا و سزايەكێ مەزن دكەڤيتە سەر، دڤێت ئەو دوو هەيڤان ل سەرێك پێش وێ رۆژيا ب چۆنا نڤينێڤە خوارى بگريت، يان بەندەيەكي ئازاكەت، و ئەگەر بەندە ب دەست نەكەفت ئازا بكەت كو ئەڤرۆ نينن، دڤێت دوو هەيڤان ل سەرێك يێ ب رۆژى بيت، و ئەگەر ژبەر بێزارى و نەچاريێ يان نەساخيێ نەشيا دوو هەيڤان يێ ب رۆژى بيت، پێدڤيە زادێ شێست بەلەنگازان بدەت وەك جزا، چونكى د رۆژيا رەمەزانێدا چۆ نڤينا خۆ، و خودێ چێتر دزانيت.
