ب/ ئەو ژنا مكياجي بدانيت، و يا ب رۆژى بيت، يا خودان باوەرە و يا باوەردارە، ئەگەر دا چاوا رۆژيان گريت، مە هيڤيە ئەو د وەختەكێ نێزيكدا وى مكياجى ژى بهێليت، چونكى ژنا خودان بيروباوەر دڤێت بزانيت مكياج دانان بۆ ژدەرڤە نەدورستە، و خەلەتە دەرڤەى رەمەزانێ، پا تو چ دبێژى بۆ رەمەزانێ، و پێدڤيە ئەڤا هۆسا ب رەحەتى و جوان شيرەت لێ بێتەكرن، و ب دلسۆزى؛ چونكى ژنەكا خودان ئيمانە، و دڤێت رێز ل ڤێ باوەريێ بێتەكرن، و ب هشكى و رەقى نەئێتە پاشڤەبرن كو مكياجى ددانيت؛ چونكى رۆژى گرتنا وێ نيشان و بەلگەيە دێ هەر رۆژەك ئێت ب خۆ حەسيت و زانيت مكياج بۆ دەرڤە دگەل رەوشتێ ژنا موسلمان ناگونجيت، پاشى بلا ئەڤ خويشكە بزانيت رۆژيێ هندەك سنج و ئەخلاق يێت هەين دڤێت ژێ نەئێنە جوداكرن، و ئەگەر نە، خێرا رۆژيا خۆ ب دەستێ خۆ دئينيتە خوارێ و كێم دكەت، و ئەو تشتێ نەدورست بۆ مرۆڤى و دڤێت مرۆڤ خۆ ژێ بپارێزيت دەرڤەى رەمەزانێ دڤێت د رەمەزانێدا پتر مرۆڤ خۆ ژێ دوير بێخيت.
بەلێ پا مكياج رۆژيێ نائێخيت، بەلێ ئەگەر پێ نەكەڤيت، پێ كێم ژى نابيت؟ نەخێر بێ گۆمان رۆژيێ كێم دكەت، ڤێجا يێت تێگەهشتى مادەم هەر زەحمەتا خۆ برن ب چو رەنگان، ناهێلن خێرا وان كێم ببيت، يا دى.. مكياج دانان و وەرنەگرتنا جلكێ شەرعى ژ رێز و سەروبەرێ جاهليانە، لەوا خودێ دبێژيت: (( وَلَا تَبَرَّجْنَ تَبَرُّجَ الْجَاهِلِيَّةِ الْأُولَىٰ))، و ئەز دبێژم ئەوا رۆژيگر نەڤێت كريارێت وێ يێت خەلكێ جاهليەتێ بن، كورت و كرمانج رۆژيا وێ ناكەڤيت بەلێ دبيت خێرا وێ كێم بيت، و خودێ چێتر دزانيت.
