ب/ پێدڤيە ئەڤ ژنە شيرەتان ل زەلامێ خۆ بكەت، و بێژيتێ: نابيت، و دڤێت تو ژ خودێ بترسى و رۆژيێت خۆ بگرى و ل خۆ بزڤرى، ئەگەر ما ل سەر يا خۆ و رۆژى نەگرتن، ئەو ئێك ژ دويانە، ئەگەر دەستويريەكا شەرعى هەبيت دورستە خزمەتا وى بێتەكرن، و ئەگەر رۆژيان نەگريت و وى چو دەستويريێت شەرعى ژى نەبن، و نەدگەل رۆژيێيە ژى، وى وەختى نەدورستە خزمەتا وى بێتەكرن، و د شەرعيدا بۆ ژنێ هەيە خزمەتا وى نەكەت و بۆ وێ هەيە چو نەدانيتە بەر، و ئەم ژبير نەكەين پێغەمبەر (سلاڤێت خودێ لێ بن) دبێژيت: ((مَنْ رَأَى مِنْكُمْ مُنْكَرًا فَلْيُغَيِّرْهُ بيده فَإِنْ لم يَسْتَطعْ فَبِلِسَانِهِ فَإِنْ لم يَسْتَطعْ فَبِقَلْبِهِ وَذلِكَ أَضعَفُ الْإِيمَانِ))، هەركەسێ ژ هەوە گونەه و خرابيەك ديت بلا ب دەستێ خۆ بگوهۆريت، هەكە نەشيا بلا ب ئەزمانێ خۆ بيت، هەكە نەشيا بلا ب دلێ خۆ بيت و ئەڤە لاوازترين باوەريە. و دڤێت ژن ژى وەختێ خەلەتي و خرابيەكێ دبينيت و ژ كێ بيت، دڤێت ڤان هەرسێ پێنگاڤا ب كار بينيت بۆ گوهۆرينا وێ خەلەتيێ، و خودێ چێتر دزانيت.
