ب/ ئەو ب خۆ د ئيسلامێدا كەس گونەها كەسێ ب ستۆيێ خۆڤە ناگريت، كو ئێك گونەهێ ل سەر يێ دى راكەت، و نابيت كەس گوهێ خۆ بدەتە وى، ژبەر كو پێغەمبەر (سلاڤێت خودێ لێ بن) دبێژيت: ((لا طاعَە لِبَشَرٍ فِي مَعْصِيَە اللَّهِ))، و نابيت گوهداريا كەسێ بێتەكرن د بێ ئەمريا خودێدا، و نابيت كەس خۆ رازى بكەت خورتى ژ لايێ زەلامێ مالێڤە يان سەميان و مالخۆيێ مالێڤە لێبێتەكرن، و رۆژيێ بخۆت و هەكە وەكر گونەه د ستۆيێ وێدايە، و ئەڤ رەنگە گڤاشتنە يا كەڤنە و نەيا ئەڤرۆيە، د كەڤندا ئەڤ رێكە هاتيە ب كارئينان؛ دا بەرێ هندەكان ژ راستيێ وەرگێرن و ب ڤێ چەندێ بخاپينن كا ئەو گونەهێت وان ژى ب ستۆيێ خۆڤە دگرن، خودێ دبێژيت: ((وَقَالَ الَّذِينَ كَفَرُوا لِلَّذِينَ آمَنُوا اتَّبِعُوا سَبِيلَنَا وَلْنَحْمِلْ خَطَايَاكُمْ وَمَا هُم بِحَامِلِينَ مِنْ خَطَايَاهُم مِّن شَيْءٍ إِنَّهُمْ لَكَاذِبُونَ )) ئانكو: وەنينە كەس گونەها كەسێ ب ستۆيێ خۆڤە ناگريت، بەلكى ئەو دووقات گونەهكارن ئەوێ دى ژى يێ گونەهكارە، و خودێ چێتر دزانيت.
