ب/ ل دويف رەئيا باراپتر ژ زانايان ئەو كەفارەتێ نادەن، و ل سەر وان واجب نينە، چونكى نڤينا ژنێ دەرڤەى رەمەزانێ يا چێ بووى، و رێز و حورمەتا رەمەزانێ نەهاتيە شكاندن، بەلێ رۆژيا هەردووكان دكەڤيت و دبيت پێ گونەهكار ژى بن؛ چونكى بوونە ئەگەرێ پويچبوونا كار و عيبادەتێ خۆ يێ فەرز، و خودايێ مەزن دبێژيت: ((يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَلَا تُبْطِلُوا أَعْمَالَكُمْ))، ئانكو: گەلى خودان باوەران گوهداريا خودێ بكەن و گوهداريا پێغەمبەرى بكەن، و كار و كريارێت خۆ (ب گونەهان، يان ب رويمەتيێ، يان ب دووروياتيێ، يان ب منەتێ) پويچ نەكەن. و ئەوان ب ڤى كارى رۆژيا خۆ يا قەزا و فەرز پويچ كر، و خودێ چێتر دزانيت.
