ب/ زانايێت مە دبێژن: نابيت ژن رۆژيێت سونەت بێ دوستويري و ئاگەهدارى و رازيبوونا زەلامێ خۆ بگريت، بەلێ ئەڤە هەكە زەلامێ وێ هەوجەى وێ بيت (ئانكو هەوجەى نڤينا وێ بيت)، بەلێ هەكە هەوجەيى بۆ نڤينا وێ نەبيت دورستە ژن رۆژيا سونەت بگريت و هەوجەى دەستويري و ئاگەهدارى و رازيبوونا زەلامى نينە، لەوا ئەم دبێژينە زەلامان: تەقوا خودێ د راستا ژنێت خۆدا بكەن، و هەكە هەوە هەوجەيى ب نڤينا خۆ نەبيت نەكەڤنە د رێكا هەڤسەرێت خۆدا كو رۆژيێت سونەت بگرن.
ژ ئاخفتنا زانايان دهێتە زانين.. زەلامى هەمى دەمان ماف نينە نەهێليت ژنا وى بۆ خۆ رۆژيێت سونەت بگريت ب وى مەرجى نەبيت يێ مە گۆتى، هەوجەى نڤينا خۆ هەبيت، هنگى دڤێت ژن ب دەستويريا وى رۆژيا سونەت بگريت، و هەكە ئەڤە نەما هنگى زەلامى ماف نينە نەهێليت ژنا وى يا ب رۆژى بيت، و خودێ چێتر دزانيت.
