ب / هەرگاڤا موسلماني شيان هەبن ـ چ ژن بيت چ زەلام ـ حەج ل سەر واجبە، و چو جوداهي د ناڤبەرا ژن و مێراندا نينە، و بەرى شيانێ د بالغ و عاقل بن، بەلێ هندە زانايان دوو مەرجێت دى بۆ ژنێ زێدەكرينە، ئێك: مەحرەم يان زەلامێ وێ دگەل بيت. دوو: نە د ژڤان و عيددا بەردان و مرنا زەلاميدا بيت، هەرچەندە شافعي و مالكى هەڤالينيا ئێمن و جهێ باوەرێ، جهێ مەحرەمى ددانن، و ئەڤە يا دورستە، و ل دەف ئيمام ئبن حەزم (خودێ ژێ رازی بیت) مەحرەم نەمەرجە، و هەكە ژنێ شيانێت حەجێ هەبن و حەج ل سەر كەفت دڤێت بچيتە حەجێ ـ مەحرەم هەبيت يان نەبيت ـ، و ل دۆر مەرجێ عيددێ و ژڤانێ موحەممەد بن حەسەن و ئەبى يوسف خودێ ژ هەردوويان رازى بيت، دبێژن: هەكە مەحرەم هەبوو دشێت دەركەڤيت بۆ حەجێ و بلا د ژڤانيدا بيت، چونكى دبيت پشتى هنگى مەحرەم ب دەست نەكەڤيت، و ب راستى ئەز ڤێ بۆچۆنێ باشتر و دورستر ددانم، و خودێ چێتر دزانيت.
