ب : زانا دبێژن هه‌كه به‌ری هه‌شتێ رۆژان بچویك ژ به‌ر ژنێ چو ئه‌و خوینا دبینیت خوینا چلكا نینه؛ چونكی د وی ده‌میدا بچویك دورست نه‌بوویه به‌س كومه‌كا خوینێیه و چونكی پێغه‌مبه‌ر سلاڤێت خودێ ل سه‌ربد دبێژیت: (إِنَّ أَحَدَكُمْ يُجْمَعُ خَلْقُهُ في بَطْنِ أُمِّهِ أَرْبَعِينَ يَوْمًا ثُمَّ يَكُونُ عَلَقَةً مِثْلَ ذلك ثُمَّ يَكُونُ مُضْغَةً مِثْلَ ذلك) ئانكو: ئێك ژ هه‌وه چێكرنا وى د زكێ دايكا خۆدا چل رۆژان چپك دمينيت، پاشى هندى وى ده‌مى دێ بيته خوينپاره (خوينه‌كا هشك) پاشى هندى وى ده‌مى دێ بيته گۆشتپاره (پارچه‌كا گۆشتى هندى پاريه‌كى). و پشتی دبیته پارچه‌كا گۆشتی پشتی هه‌شتێ رۆژان، یان دبیته مرۆڤه‌كێ تمام، یان نه یێ تمام، هه‌كه ژ به‌ر چو به‌ری تمام ببیت، ئه‌و نه خوینا چلكانه، به‌لكی خوینه‌كا پیسه و هه‌ر هند، و هه‌كه تمامبی و و بچویكی وێنێ مرۆڤان گرت و پاشی چو، هنگی ئه‌و خوینا دبینت خوینا چلكانه دێ خۆ گریت نڤێژان ناكه‌ت هه‌تا پاقژ دبیت، یان ده‌مێ چلكان دویماهی دهێت، و به‌لگه ل سه‌ر ڤێ چه‌ندێ خودایێ مه‌زن دبێژیت (يا أَيُّهَا النَّاسُ إِن كُنتُمْ فِي رَيْبٍ مِّنَ الْبَعْثِ فَإِنَّا خَلَقْنَاكُمْ مِّن تُرَابٍ ثُمَّ مِن نُّطْفَةٍ ثُمَّ مِنْ عَلَقَةٍ ثُمَّ مِن مُّضْغَةٍ مُّخَلَّقَةٍ وَغَيْرِ مُخَلَّقَةٍ) گه‌لی مرۆڤان هه‌كه هوین ژ رابوونا پشتی مرنی ب گومانن به‌رێ خۆ ب ده‌نه چێكرنا خۆ یا ئێكێ مه هوین یێ ژ ئاخێ چێكرین پاشی ژ چپكه‌كێ پاشی خوینپاره‌یه‌كێ پاشی ژ گو‌شتپاره‌یه‌كێ، تماكری و نه تمامكری، ڤێجا ده‌مێ تمامكرنێ و نه تمامكرنێ كه‌نگی ده‌ست پێ دكه‌ت؟ ده‌مێ دبیته ( مضغة)، و ئه‌و ژی ل دویف حه‌دیسێ پشتی رۆژا هه‌شتێ ده‌ست پێ دكه‌ت، چونكی چل رۆژاندا چپكه و چل رۆژاندا (عه‌له‌قه‌یه) پاشی دبیته (موضغه) و ده‌مێ بۆ موضغه، یان دێ تمام بیت یان تمام نابیت، و كا ژن یا خودان خێره یان نه هه‌كه بچویكێ وێ نه ما و ژ به‌ر چۆ؟ بێ گومان یا خودان خێره، نه خاسمه هه‌كه بۆ خۆ ب خێر دانا، و ب قه‌ده‌را خودێ یا رازی بیت، ئه‌بو هوره‌یره و ئه‌بو سه‌عیدێ خودری خودێ ژ هه‌ردوویان رازی بیت د ڤه‌گێرا بوخاری و موسلمیدا دبێژن: پێغه‌مبه‌ری سلاڤێت خودێ ل سه‌ر بن گۆت: (مَا يُصِيبُ الْمُسْلِمَ مِنْ نَصَبٍ وَلاَ وَصَبٍ وَلاَ هَمّ وَلاَ حَزَن وَلاَ أَذًى وَلاَ غمّ، حتَّى الشَّوْكَةُ يُشَاكُها إِلاَّ كفَّر اللَّه بهَا مِنْ خطَايَاه) چو وه‌ستيان و چو نه‌ساخى و چو خه‌م و چو دلته‌نگى و چو ئه‌زيه‌ت ناگه‌هنه موسلمانى هه‌تا سترى ڤێ بكه‌ڤيت هه‌كه خودێ گونه‌هێت وى پێ ژێ نه‌به‌ت. (هه‌م و حوزن و غه‌م ـ زانا دبێژن هه‌مى ب رامانا خه‌م دهێن، به‌لێ هه‌ر ئێك ژ تشته‌كێيه، هه‌م ئه‌و خه‌مه يا ژ ترسا، چێبوونا تشته‌كێ بگه‌هيته مرۆڤى، و حوزن ئه‌و خه‌مه يا ژ به‌رزه‌بوونا تشته‌كێ عه‌زيز بگه‌هيته مرۆڤى، و غه‌م ئه‌و خه‌مه يا ژ نه‌خۆشييه‌كا چێبووى بگه‌هيته مرۆڤى) و خودێ چێتر دزانیت.
