ب : ئه‌وكارێ نڤینێ یێ دناڤبه‌را واندا چێ دبیت نا بیت بێته ئاشكراكرن، پێغه‌مبه‌ر سلاڤێت خودێ ل سه‌ربن دڤه‌گێرا موسلمیدا دبێژیت: (إِنَّ من أَشَرِّ الناس عِنْدَ اللَّهِ مَنْزِلَةً يوم الْقِيَامَةِ الرَّجُلَ يُفْضِي إلى امْرَأَتِهِ وَتُفْضِي إليه ثُمَّ يَنْشُرُ سِرَّهَا) و دڤه‌گێره‌كا دیدا یا موسلمیدا دبێژیت: (إِنَّ من أَعْظَمِ الأمَانَةِ عِنْدَ اللَّهِ يوم الْقِيَامَةِ الرَّجُلَ يُفْضِي إلى امْرَأَتِهِ وَتُفْضِي إليه ثُمَّ يَنْشُرُ سِرَّهَا) ڤه‌گێرا ئێكێ پێغه‌مبه‌ر سلاڤێت خودێ ل سه‌ربن دیاره‌دكه‌ت یێ جهێ وی رۆژا قیامه‌تێ ژهه‌میان دژوارتر و پیستر ڤێجا چ تیژكێت رۆژێ ل سه‌ر یێت دژوار بن یان گه‌له‌ك د خوها خۆرا بیت ئه‌وه، یێ ب گه‌هیته ژنا خۆ و ژنا وی بگه‌هیتێ ئانكو ب چنه نڤینا ئێكدو پاشی نهێنیا وێ به‌لاڤكه‌ت، و دڤه‌گێرا دیدا دبێژیت ئه‌مانه‌تێ رۆژا قیامه‌تێ ژ هه‌میان مه‌زنتر ل ده‌ف خودێ زه‌لام ب چیته ده‌ف ژنێ و ژن بچیته ده‌ف زه‌لامی پاشی نهێنیا وێ ئاشكرا بكه‌ت، شه‌وكانی خودێ ژێ رازی بیت دبێژیت ل سه‌ر هه‌ردوكان حه‌رامه نهێنیا نڤینا ئێكدو ئاشكرا بكه‌ن، چ ژن چ مێر، به‌لی بوچی ڤێرێ به‌حسێ زه‌لامی تنێ كر، ئه‌و ژی چونكی دبیت ژن شه‌رم بكه‌ت به‌حسێ نڤینا خۆ و زه‌لامێ خۆ بكه‌ت، به‌لێ زه‌لام دڤی كاریدا ب جه‌ساره‌تر بیت ژ به‌رهندێ به‌حسی وی هاته كرن، هه‌كه وه‌كێ دی ل سه‌ر هه‌ردووكان حه‌رامه به‌حسێ نڤینا خۆ بكه‌ن، ئه‌سمائا كچا یه‌زیدی خودێ ژێ رازی بیت دبیژیت: (كانت عند رسول الله سلاڤێت خودێ ل سه‌ربن والرجال والنساء قعود عنده فقال لعل رجلا يقول ما يفعل بأهله ولعل امرأة تخبر بما فعلت مع زوجها فأرم القوم فقلت أي والله يا رسول الله انهم ليفعلون وانهن ليفعلن قال فلا تفعلوا فانما مثل ذلك مثل شيطان لقي شيطانة فغشيها والناس ينظرون) زه‌لام و ژن ل ده‌ف پێغومبه‌ری سلاڤێت خودێ ل سه‌ربن دروینشتیبوون گۆت: دبیت زه‌لامه‌ك بێژت كا چ ل گه‌ل ژنا خۆ كریه؟ و دبیت ژنه‌ك بێژیت كا چ ل گه‌ل زه‌لامێ خۆ كریه؟ هه‌می بێ ده‌نگ بوون، ئینا من گۆت راسته پێغه‌مبه‌رێ خودێ ئه‌و ژی وه دكه‌ن و ئه‌و ژی وه‌دكه‌ن، ئینا گۆت وه‌نه‌كه‌ن مه‌ته‌لا ڤان وه‌كی شه‌یتانه‌كێ نێره گه‌هشتبیته شه‌یتانه‌كا مێ و چوبونه ده‌ف ئێك و خه‌لك به‌رێ خۆ بده‌نێ، ڤێجا هه‌چیێ ئه‌و نهێنی ئاشكراكرپێغه‌مبه‌ری سلاڤێت خودێ ل سه‌ربن ئه‌و ب شه‌یتانی ته‌شبیه كر، و زانایێ مه‌نه‌وی خودێ ژێ رازی بیت دبێژیت ئه‌ڤ نمونه پێغه‌مبه‌ر سلاڤێت خودێ ئینا دا ل به‌ر مه كرێبكه‌ت و خۆ ژێ بده‌ینه پاش.
