ب / ب راستى ئەڤە دياردەيەكا نەجوانە د ناف ژناندا، گەلەك جاران مرۆڤى گولێ دبيت ژن ئان كچ دبێژن: ئەڤە چ كراسە ژن دكەڤيتە تێدا؟! ئەڤە چ خوينە ژن دبينيت؟! هەما هەر ژبەر بێ ئێقباليا وێيە! هندى ژنا بێ ئێقبالە لەوا ڤێ خوينێ دبينيت! ڤێجا دێ بينى يا ژ خۆ عێجزە وەختێ دكەڤيتە د ڤى كراسيدا و خوينێ دبينيت.
بەلێ ئەگەر بزانيت كا چ كەرەمە خودێ (ب ديتنا ڤێ خوينێ) دگەل كرى؟ و كا ئەڤ خوينە چ ژ وێ ددەتە پاش، و ئەگەر ئەڤ خوينە نەديتبا كا دا چ ب سەرێ وێ ئێت، شوينا ئەڤ بێزاريە كربا، دا پتر شوكرا خودێ كەت، دا پتر خودێ ل بيرا خۆ ئينيت نەخاسمە دەمێ دكەڤيتە د ڤى كراسيدا.
چونكى ژن هەر هەيڤێ خەرزەكى پەيدا دكەت، و ئەڤ خەرزە (بويچە) د ناف خوينێدا پەيدا دبيت، و ئەڤ خوينا هەنێ پيس دبيت، ڤێجا ئەگەر ئەڤ خوينە دەرنەكەڤيت، دێ بيتە ئەگەرێ هندێ خوينا پيس بمينيتە د لەشێ ژنێدا، يان ژى د ناڤ لەشێ وێدا بگەريێت، ئەگەر ژنێ نەئێخيتە بەر مرنێ، دێ بەرهنگارى ئيزا و زيان و ئێشان كەت، يان ژى دێ خەرزى پيسكەت و بيتە ئەگەرێ نەهێلانا ژيانێ تێدا، د ئەنجامدا عەيال نابن. ڤێجا ژ كەرم و خنێكا خودێ، ژن هەيڤێ جارەكێ ڤێ خوينێ دبينيت و ب ڤى رەنگى ئەڤ خوينا پيس ژ لەشى دەردكەڤيت، ڤێجا ئەڤە كەرەمە و نە بێ ئێقبالى و بەخت رەشيە، و ئەگەر هەر هەيڤێ دگەل پەيدابوونا خەرزى خوين نەديتبا، دا بەرهنگارى مەترسيێت (ئەنجام پيس) بيت، و خودێ چێتر دزانيت.
