ب / عادەتەن كچ د ژيێ (9) ساليێ وێڤەدا ڤێ خوينێ دبينيت. و ئەگەر بەرى ڤێ ژى كچێ خوين ديت نائێتە هەژمارتن عادە و بێ نڤێژى، و ئەحكام و بريارێت بێ نڤێژى و عادێ ناكەڤنە سەر. ئەڤە مە زانى باراپتر ژ ژنان ژ ژيێ (9) ساليێ وێڤە دەست پێ دكەن و ڤێ خوينێ دبينن.. بەلێ يا فەرە بزانين كا هەتا ژى و عەمرێ چەندێ ڤێ خوينێ دبينيت؟
ـ هندە زانا دبێژن: ئەڤ چەندە يا گرێدايە ب سەروبەرێ ژنانڤە، ئانكو نائێتە سنورداركرن، ژ ژنەكێ بۆ يا دى جودايە، دبيت ئەڤ كراسە دگەل ئێكێ هەتا ژيەكێ درێژ ڤەكێشيت و ئێكا دى وەسا نەبيت.
ـ هندە زانايێت دى دبێژن: هەتا سالا (50)يێ دبينيت و ژ پێنجيێ وێڤەتر ڤێ خوينێ نابينيت، و ئەڤە ژى ڤێ چەندێ دگەهينيت كو ژ ژيێ (9 ـ 50) ساليێ دبينيت، ئانكو (41) سالان ژن ڤێ خوينێ دبينيت.
و هەر وەختێ د ناڤبەرا (41) ساليێ ئەڤ خوينە ديت، خوينا عادێيە و ئەحكامێت خۆ يێت هەين كو دێ پشتى چەندەكێ ئێنە دياركرن.
بەلێ پێدڤيە ئەم بزانين مەرج نينە ژن پشتى پێنجى ساليێ نەكەڤيتە د عادەيدا ژبەر كو چو بەلگە و نيشانێت گۆمانبر بۆ مە ب ڤێ چەندێ ژ پێغەمبەرى (سلاڤێت خودێ لێ بن) نەهاتينە.
و هەر گاڤا ژنەكێ ژ پێنجيێ و وێڤە ئەڤ خوينە ديت بلا بزانيت عادەيە و ئەحكامێت عادێ ل سەر دئێنە دانان.. راستە باراپتر ژ ڤى ژى نابينن، بەلێ ئەگەر هات و ديت هەر ئەو حوكمێ هەى، و خودێ چێتر دزانيت.
