باراپتر ژ زانايان دبێژن: ژ شەڤەك و رۆژەكان كێمتر نينە، ژ ڤێ بۆچۆنێ دئێتە زانين، ئەگەر شەڤەك و رۆژەكان كێمتر هاتە ديتن، ئەو نەعادەيە ـ هەرچەندە هندەك زانا وەنابێژن وەكى: ئەوزاعى، دبێژن: دبيت ژن ئێڤارى ببينيت و سپێدێ پاقژ ببيت يان ژى بەروڤاژى. بەلێ پا جمهور دگەل هندێيە كو وەختێ وێ يێ ژ هەميا كێمتر شەڤەك و رۆژەكن. ـ و ژ پازدە رۆژان پتر ناكێشيت.
ديسا ئەڤە ژى وێ دگەهينيت كو پشتى رۆژا پازدێ نەعادەيە و دڤێت سەرێ خۆ بشۆت و نڤێژێت خۆ بكەت، بلا خوين بەردەوام ژى بێت.
بەلگە و نيشان ژى فەرموودەيا پێغەمبەرى (سلاڤێت خودێ لێ بن) دبێژيت: (دبيت هندەك ژن ژ هەوە نيڤا عەمرێ خۆ نڤێژان تێدا نەكەن... فەرموودە). هەرچەندە ئەڤ فەرموودەيە گەلەكا لاوازە.. بەلێ زانايێت بۆ ڤێ بۆچۆنێ چۆين ئەڤەنە: مالكى و شافعى و سەورى و ئەبو حەنيفە، بنێرە: المغني لابن قدامة 1/ 356. ئەڤە ڤێ دگەهينيت كو يا هندەكان پازدە رۆژان دكێشيت و چو هەيڤ ژ سيه رۆژان نابۆرن هەلبەت هەيڤێت عەسمانى، و هەر هەيڤێ پازدە رۆژان نڤێژان تێدا نەكەن ئەڤە رامانا وێ ئەوە: نيڤا عەمرێ خۆ نڤێژ تێدا ناكەن، هەروەكى پێغەمبەرى (سلاڤێت خودێ لێ بن) گۆتى، و خودێ چێتر دزانيت.
