ژن هەتا كو بزانيت رۆژێت وێ چەندن و كا هەر جار چەند دمينيت، دڤێت هەمى هەيڤان سەحكەتێ كا دێ چەند رۆژان خوينا وێ ڤەكێشيت، و يا پێدڤيە ژن ڤان تشتان بزانيت:
1ـ هەيڤا خۆ بزانيت كا چەند رۆژان تێدا يا پاقژە، و چەندان ژى خوينێ تێدا دبينيت. و رۆژێت خۆ نەهێليتە ب هيڤيا (ديتن و نەديتنا) خوينێڤە هەروەكى هندەك نڤێژێ دهێلنە ب هيڤيا بانگيڤە ئەگەر بانگ دا وەختێ نڤێژێيە، و نوزانيت كەنگى وەخت دئێت و كەنگى ژى دەردكەڤيت ئەگەر ب بانگى نەبيت، ڤێجا ژن ژى هەر وەبكەت نەزانيت كەنگى دئێت و كەنگى تمام دبيت.
بۆ نموونە ئەگەر عادا وێ پێنج رۆژ بن، دڤێت بزانيت پێنج رۆژان ژ سەرێ هەيڤێ يان نيڤا هەيڤێ يان ژ سێكا وێ يا د عادێدا، و (25) رۆژان يا پاقژە.
2ـ دڤێت بزانيت كا كەنگى خوينێ دبينيت، سەرێ هەيڤێ يان نيڤا وێ يان دويماهيا وێ، دڤێت بزانيت كا ئەڤ (5) رۆژە كەنگينە و كا د كيش وەختى دانە ژ هەيڤێ.
3ـ دڤێت بزانيت كا كەنگى پاقژ دبيت، سەرێ هەيڤێ يان دويماهيا وێ پاقژ دبيت.
ئەڤە هەمى بۆچى؟
ئەڤ خالە د فەرن بزانيت، چونكى هەر دەمێ وێ ئەڤ چەندە زانى و گرتن، وى وەختى ژنێ عادێ خۆ گرت و دەستنيشانكر، دەمێ وێ رۆژێت خۆ سنوورداركرن و گرتن، د وان رۆژاندا دێ خۆ ژ نڤێژ و رۆژيان دەتە پاش، و ئەگەر ژێ دەركەفت دێ دەست ب نڤێژ و رۆژيێت خۆ كەت، و خودێ چێتر دزانيت.
