ب / ئەگەر كچێ يان ژنێ عادا خۆ نەزانى كا چەند رۆژان خوينێ دبينيت، و چەند رۆژان پاقژ دبيت، وى وەختى دێ چەوا حسێب كەت، و بەردەوام خوينێ دبينيت؟ ئەگەر ژن يا هۆسا بيت و بەرى هينگى رۆژێت خۆ نەگرتينە، عادا وێ دێ ئێتە حسێبكرن ل دويف عادا باراپتر ژ ژنێت وێ دەڤەرێ، نەخاسمە ژنێت نێزيكى وێ و مرۆڤ و كەس و كارێت وێ ژ ژنان، و باراپتر ژى د ناڤبەرا ڤان دوو رۆژاندانە شەش يان حەفت.
ژنەكێ خوينا وێ هەر دهات و نەدزانى كانێ كەنگى خوينا عادێيە و كەنگى نە، و بەرى هينگێ رۆژێت خۆ نەدزانين كا چەندن و كەنگينە، و پسيارا خۆ ب (ئوم سەلەمە) كر، ئينا (ئوم سەلەمە) هاتە دەف پێغەمبەرى (سلاڤێت خودێ لێ بن) هەر ئەو پسيار ژ پێغەمبەرى (سلاڤێت خودێ لێ بن) كر، ئينا گۆتێ: (بلا وان شەڤ و رۆژێت بەرى نوكە خوين تێدا دديت، كا چەند بوون، بلا خۆ تێدا بگريت و نێڤژان تێدا نەكەت، و پاشى بلا خۆ بشۆت و نڤێژێت خۆ دەست پێ بكەت). نەسائى ڤەگێرايە، و خودێ چێتر دزانيت.
