ب / پێدڤيە ئەگەر ژن پاقژ بوو تێبينيا ڤان خالان باش بكەت، كا ئەو چ وەختە تێدا پاقژ بووى:
1ـ ئەگەر بەرى بانگێ سپێدێ پاقژ بوو: بلا بزانيت نێڤژا سپێدێ لێ كەفت دڤێت ژێ نەچيت، ديسا ئەگەر رەمەزان بيت دڤێت وێ ۆرژيێ ژى بگريت.
2ـ بەلێ ئەگەر پشتى بانگێ سپێدێ پاقژ بوو رۆژيا وێ رۆژێ ل سەر نينە، بەلێ نێڤژا سپێدێ يا وێ رۆژێ لێ دكەڤيت و دڤێت ژ خۆ نەبەت.
3ـ ديسا پێدڤيە تێبينيا وى وەختى بكەت ئەوێ ئەو تێدا پاقژ بووى كانێ چ وەختە، وەختێ چ نڤێژێيە، ئەو نڤێژ ل سەر كەفت، هندەك ژن وەختێ عەيشا پاقژ دبن، بەلێ خۆ گيرۆ دكەن هەتا سپێدێ، ب ڤى رەنگى ئەو يا گونەهكارە، چونكى وێ نڤێژا عەيشا و نڤێژا سپێدێ ژ خۆ برن.
4ـ راستە وەختێ پاقژ بوو ل سەر ناكەڤيت ئێكسەر و بێ گيرۆكرن سەرێ خۆ بشۆت، بەلێ پا پێدڤيە هند گيرۆ نەكەت وەختێ وێ نڤێژێ ببۆريت؛ ئانكو ئەگەر دەستپێكا نڤێژا نيڤرۆ پاقژ بوو بلا هند گيرۆ نەكەت هەتا وەختێ نڤێژا ئێڤارى دئێت و نڤێژا نيڤرۆ ژێ دچيت.
5ـ ئەگەر د هەيڤا رەمەزانێدا بيت و بەرى بانگێ مەغرەب، خۆ ب چەند وەختەكێ كێم ژى بيت، دڤێت رۆژيا خۆ بخۆت و رۆژيا وێ دكەڤيت. ديسا ئەگەر بەرى بانگێ سپێدێ ب دەمەكێ كێم ژى پاقژ بوو، دڤێت وێ رۆژێ يا ب رۆژى بيت.
شەنگستەكێ زێرين د ڤى بابەتيدا ئەوە.. ژن بزانيت كەنگى دێ ئەحكامێت پاقژيێ ل سەر خۆ دانيت و يێت بێ نڤێژيێ كەنگى:
هەر وەختێ خوين ديت و زانى يا عادێيە، دڤێت خۆ بگريت و نڤێژان نەكەت، و هەر گاڤا پاقژ بوو يان رەنگێ وێ هاتە گوهۆرين، دڤێت خۆ بشۆت و نڤێژێت خۆ بكەت.. خۆ بلا بيستەك ژى بيت، هەروەكى ئبن عەباس ڤێ چەندێ دبێژيت، و خودێ چێتر دزانيت.
