ب / ب كێمى چو سنوور و تخويب بۆ نينن، دبيت پشتى بچويكبوونێ ب دەمەكێ كێم راوەستيت، و دبيت چەند بيستەكان خوين نەكێشيت لەوا پێدڤيە ژنا بچويك دبيت تێبينيا ڤان خالان بكەت:
1ـ هەرگاڤا خوينا وێ راوەستيا پشتى بچويكبوونێ يان ژبەرچۆنێ، دڤێت خۆ بشۆت و نڤێژێت خۆ بكەت، خۆ هەكە سەعەتەك ژى بيت. ڤێجا ئەگەر سەعەتەكێ كێشا يان رۆژەكێ يان دوويان، پێدڤيە بزانيت ئەڤە (چلكە) و چلك نەيا گرێدايە ب چل رۆژانڤە، بەلێ ب راوەستيانا خوينێڤەيە.
2ـ چو فەرق و جوداهى د ناڤبەرا ژبەرچۆنێ و بچويكبوونێ د حوكميدا نينە.
3ـ ئەگەر ژنێ بچويك بوو و خوين نەديت، (هندەك جاران ئەڤە چێدبيت)، وى وەختى هەما دێ ئێكسەر سەرێ خۆ شۆت و نڤێژان كەت.
4ـ ژن هەروەكى زانا دبێژن: پتر ژ چل رۆژان خوينێ نابينيت ژ بچويكبوونێ، يان ژبەرچۆنێ، بەلێ ئيمامێ شافعى دبێژيت: دبيت بگەهيتە (60) رۆژان ژى، بەلێ باراپتر ژ ژنان ژ چل رۆژان پتر خوينێ نابينن.
و باراپتر ژ ژنان دبێژن: هەر وەختێ ژ چل رۆژان بۆرى يێت زێدە نائێنە هەژمارتن ژ نيفاسێ، و دێ سەرێ خۆ شۆت و پێگريێ ب ئەحكامێت پاقژبوونێ كەت، بەلێ گەلەك ژن ژبەر ناڤێ چلێ يان (چلكان)، گەلەك خۆ ڤەدهێلن و گيرۆ دكەن و نڤێژان ناكەن هەتا چل رۆژ ب سەرڤە نەچن، ئەڤە يا خەلەتە. پێدڤيە ژن يا هشيار بيت چلك هندێ ناگەهينيت كو چل رۆژان ناچێبيت نڤێژان بكەت، بەلكى رامان ژێ ئەوە دبيت هندەك هەتا چل رۆژان ڤەمينن.
5ـ (سەروبەرەكێ نەبەر ئاقل) وەختێ چل رۆژێت ژنێ ب دويماهى دئێن، چل بەركان دهەلگريت و ب سەرێ خۆ دادكەت وەختێ سەرێ خۆ دشۆت، ڤى تشتى ژى چو بۆ نينە و يا ل سەر ژنێ ئەوە بەس سەرێ خۆ بشۆت و چو بەركان ناهەلگريت و چو بۆ ڤێ چەندێ نينە، و خودێ چێتر دزانيت.
