ب / ئەحكامێت ئستيحازێ ئەڤێت خوارێنە:
1ـ پشتى ژن ژ عادێ دەردكەڤيت ئێك جار دێ سەرێ خۆ شۆت، و بلا خوينا وێ هەر بمينيت.
2ـ بۆ نڤێژان ئەگەر خوينا وێ يا بەردەوام بيت و نەراوەستيت هەر نڤێژەكا فەرز دێ دەستنڤێژەكا نوى بۆ گريت و بلا د ناڤبەرا دەستنڤێژێ و نێڤژێ خوينێ ژى ببينيت، دەستنڤێژا وێ ناشكێت. بوخارى ڤەدگێريت و دبێژيت: هندەكان د ڤى كراسيدا تەست د دانا بن خۆ و نڤێژ دكر.. بەلگە ل سەر ڤێ فەرموودەيا پێغەمبەريە (سلاڤێت خودێ لێ بن) ئەوا بوخارى ڤەگوهاستى (ثم توضىء لكل صلاة) مەخسەد نڤێژێت فەرزن. بەلێ پێدڤيە د وەختێ نڤێژێدا بيت نە بەرى وەختى.
3ـ پێدڤيە هەر جارەكا دەستنڤێژێ دشۆت، جهێ خوينێ بشۆت و پاتەيەكى بێختە بەر.
4ـ نڤينا وێ يا دورستە و بلا خوينا وێ هەر بهێت، هەروەكى ئبن عەباس دبێژيت ل دويف ڤەگێرانا (بوخارى).
5ـ ژنا ب ئستيحازە يا پاقژە و دشێت هەمى عيبادەتان بكەت و پێ راببيت (نڤێژ، رۆژى، ئعتيكاف، ساخكرنا شەڤێت پيرۆز وەك (ليلە القدر)... هتد)، و خودێ چێتر دزانيت.
