ب / هەرجهەكێ بەحسێ خۆشيا بەحەشتێ هاتبيتەكرن ژن پشكدارە، و ئەو جهناڤ ژن و مێران دگريت و ئەڤە تشتەكێ ئاشكرايە د زمانێ عەربيدا، و ئاشكەرايە هەكە ئێكى بڤێت خەلاتەكى ب كورێ خۆ بێژيت گەلەكا ب ساناهيە و يا قەبويلكريە بێژيتێ: دێ بۆ تە ژنا جانا پرچ زەرا چاڤ شينا بەژن بلند ئينم، و هەركەسێ گولێ ببيت دێ كەتە كەنى، بەلى مە گولێ بوويە ئێك بێژيتە كچا خۆ: خۆ زيرك بكە دێ بۆ تە زەلامەكێ هۆسا و هۆسا ئينم، يان دێ تە دەمە زەلامەكێ هۆسا و هۆسا، ئەڤ رەنگە ئاخفتنە نەيا مەقبويلە، لەوا قورئانێ هندە خۆشيێت بەحەشتێ ب جهناڤێ زەلامان ئينايە، و هەكە وەكى دى هەر خۆشيەكا هەبيت ژن ژى پشكدارە، خودێ مەزن دبێژيت: ((إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِرِينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْرًا عَظِيمًا)) زەلامێت موسلمان و ژنێت موسلمان، و زەلامێت خودان باوەر و ژنێت خودان باوەر، و زەلامێت بەر ئەمرى خودێ و ژنێت بەر ئەمرى خودێ، و زەلامێت راستگۆ و ژنێت راستگۆ، و زەلامێت سەبركێش و ژنێت سەبركێش، و زەلامێت ژ خودێ ترس و ژنێت ژ خودێ ترس، و زەلامێت خێركەر و ژنێت خێركەر، و زلامێت رۆژيگر و ژنێت رۆژيگر، و زەلامێت نامويسا خۆ دپارێزن و ژنێت نامويسا خۆ دپارێزن، و زەلامێت گەلەك خودێ ل بيرا وان و گەلەك زكرى دكەن و ژنێت خودێ گەلەك ل بيرا وان و گەلەك زكرى دكەن، ب راستى خودێ بۆ ڤان هەميان گونەهژێبرن و خەلاتەكێ مەزن يێ بەرهەڤكرى. ((مَنْ عَمِلَ سَيِّئَةً فَلَا يُجْزَىٰ إِلَّا مِثْلَهَا وَمَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَأُولَٰئِكَ يَدْخُلُونَ الْجَنَّةَ يُرْزَقُونَ فِيهَا بِغَيْرِ حِسَابٍ)) هەركەسێ د ڤێ دنيايێدا گونەهەكێ بكەت، ئەو تەمەتى گونەها خۆ دێ ئێتە جزاكرن؛ و هەركەسێ باشيێ بكەت، چ مێر بيت چ ژن، و ئەو يێ خودان باوەر بيت، ئەڤە دێ چنە د بەحەشتێدا و رزقێ وان بێ هەژمار دێ ئێتە بەر وان. ((وَمَن يَعْمَلْ مِنَ الصَّالِحَاتِ مِن ذَكَرٍ أَوْ أُنثَىٰ وَهُوَ مُؤْمِنٌ فَأُولَٰئِكَ يَدْخُلُونَ الْجَنَّةَ وَلَا يُظْلَمُونَ نَقِيرً)) و هەركەسێ كار و كريارێت قەنج بكەت چ ژن چ مێر، و ئەو خودان باوەر بيت، ئەها ئەڤە دێ چنە بەحەشتێ، و تەمەت خيچا بەركێ قەسپێ ستەم لێ نائێتەكرن، ئانكو كێمترين ستەم لێ نائێتەكرن.
((فَاسْتَجَابَ لَهُمْ رَبُّهُمْ أَنِّي لَا أُضِيعُ عَمَلَ عَامِلٍ مِّنكُم مِّن ذَكَرٍ أَوْ أُنثَىٰ بَعْضُكُم مِّن بَعْضٍ فَالَّذِينَ هَاجَرُوا وَأُخْرِجُوا مِن دِيَارِهِمْ وَأُوذُوا فِي سَبِيلِي وَقَاتَلُوا وَقُتِلُوا لَأُكَفِّرَنَّ عَنْهُمْ سَيِّئَاتِهِمْ وَلَأُدْخِلَنَّهُمْ جَنَّاتٍ تَجْرِي مِن تَحْتِهَا الْأَنْهَارُ ثَوَابًا مِّنْ عِندِ اللَّهِ وَاللَّهُ عِندَهُ حُسْنُ الثَّوَابِ )) ڤێجا خودێ دوعايا وان وەرگرت ب گۆتنا خۆ: ئەز كار و كريارێت چو كرياركەران ژ هەوە بەرزە ناكەم چ مێر چ ژن، هەر هندەك ژ هەوە ژ هندەكانن، ئانكو: ژێدەرێ هەوە ژن و مێران هەر ئێكە و فەرق و جودايى د ناڤبەرا هەوەدا نينە. ڤێجا ئەوێت مشەخت بووين و ژ وەلاتێ خۆ هاتينە دەرئێخستن، و د رێيا مندا هاتينە ئێشاندن و شەرێ دژمنێت خودێ كرين و شەرێ وان ژ ئاليێ نەيارێت خودێڤە هاتيەكرن، ب راستى ئەز دێ گونەهێت وان راكەم و ژێبەم، و وان دێ كەمە د وان بەحەشتاندا ئەوێت رويبار دبندا دهەركن (دچن). ئەڤ خەلاتێ هەنێ كەرەمەك و خەلاتەكە ژ خودێ ددەتە وان، و نێ خودێ باشترين خەلات و جزا ل دەف هەيە. ((يُطَافُ عَلَيْهِم بِصِحَافٍ مِّن ذَهَبٍ وَأَكْوَابٍ وَفِيهَا مَا تَشْتَهِيهِ الْأَنفُسُ وَتَلَذُّ الْأَعْيُنُ وَأَنتُمْ فِيهَا خَالِدُونَ)) ڤێرێ ((مَا تَشْتَهِيهِ الْأَنفُسُ وَتَلَذُّ الْأَعْيُنُ)) ژن و ميران دگريت، و ئاخفتن دگەل زەلامى ب تنێ نينە و ئامانێت زێرى يێت خوارنێ و پەرداغێت ڤەخوارنا پاقژ ل بەر وان دئێنە گێران، و دل چ بخوازيت و چاڤ بچنە چ بۆ وان د بەحەشتێدا يێ هەى، و هوين هەروهەر دێ تێدا مينن. ڤێجا بلا موسلمان كور بيت كچ بيت پشت راست ببيت جوداهى د ناڤبەرا واندا نينە، و خودێ چێتر دزانيت.
