ب / نڤين مافەكێ هەڤپشكە د ناڤبەرا ژن و مێراندا، كا چاوا هەكە زەلامى ژنا خۆ داخوازكرە نڤينا خۆ دڤێت دويف بهێت هەكە چو دەستويريێت شەرعي نەبن، هۆسا زەلام ژى دڤێت مافێ ژنا خۆ بدەتێ هەكە داخوازا نڤينا خۆ كر، و هندە زانا دبێژن كێم كێم دڤێت د ژڤانەك و پاقژيەكێدا جارەكێ بچيتە نڤينا ژنا خۆ، ژبەر ئاخفتنا خودێ: ((فَإِذَا تَطَهَّرْنَ فَأْتُوهُنَّ مِنْ حَيْثُ أَمَرَكُمُ اللَّهُ إِنَّ اللَّهَ يُحِبُّ التَّوَّابِينَ وَيُحِبُّ الْمُتَطَهِّرِينَ)) ئەگەر خۆ شويشتن، و خۆ ب نڤێژ ئێخستن، هەرنە نڤينا وان، هەروەكى خودێ گۆتيە هەوە، ب راستى خودێ حەژ تۆبەداران دكەت، و هەروەسا حەژ پاقژان ژى دكەت. و ئەڤە بۆچۆنا ئيمام ئبن حەزميە (خودێ ژێ رازی بیت) و ئيمامێ غەزالى (خودێ ژێ رازی بیت) دبێژيت: هەكە زەلامى چو دەستويريێت شەرعى نەبن دڤێت ژ چار شەڤا نەبۆريت جارەكێ بچيتە نڤينا ژنا خۆ هەكە وێ خواست.. بەلێ هەكە نەهێتە پاقژكرن هنگى دڤێت ئەو وێ بكەت يا پاكيا وێ دپارێزيت، و ئيمام ئبن تەيميە (خودێ ژێ رازی بیت) دبێژيت: چو وەختێت سنورداركرى نينن، هەرگاڤا ژنێ ڤيا و هەوجەيى هەبيت دا پاكيا خۆ راگريت دڤێت زەلامێ وێ دويف بهێت، و ئەڤ بۆچۆنە بهێزترە، و هەكە زەلامى خۆ ڤەگرت هەتا چار هەيڤان هنگى بۆ ژنێ هەيە بچيتە دادگەهێ و گازندا خۆ بگەهينيتە دادوەرى، و دڤێت دادوەر سەر زەلامى بدانيت بزڤريتە نڤينا ژنا خۆ و هەكە گوهێ خۆ نەدا دادوەرى هنگى دادوەر دێ ژێ دەتە بەردان هەكە وێ بڤێت، و خودێ چێتر دزانيت.
