ب / نڤين مافەكە هەڤپشكە د ناڤبەرا ژن و مێراندا، و هەردووكان وەكى ئێك ئەو مافێ هەى و دڤێت هەردوو هەوجەييا لايێ دى بدەنێ، و هەر ژبەر هندێ ژى زانا دبێژن: هەكە زەلامى ڤيا عەزلێ بكەت ـ ئاڤا خۆ د نڤينێدا باڤێژيتە دەرڤە ـ نابيت ب دەستويريا ژنێ نەبيت، هەكە وێ دەستويرى نەدا و زەلام وەبكەت بێى وێ يێ گونەهكارە، چونكى ژ مافێت هەڤپشكن و بۆ ژنێ هەيە دەرمانێت هێزكرنێ وەرگريت هەكە زيانێت ساخلەميێ تێدا نەبن، بەلێ يێت لاوازكرنێ دڤێت ب دەستويريا زەلامى بيت، هەكە يێ بەرهەڤ بيت، و هەكە بەرهەڤ نەبيت و ل وەغەرەكێ بيت و ژن ڤى دەرمانى وەرگريت دا پاقژيا خۆ پێ رابگريت دورستە و چو تێدا نينە، و خودێ چێتر دزانيت.
