ب / هەكە دگەل خواستنێ هاتبنە مەهركرن، هنگى حەلالا ويە و دبنە ژن و مێرێت ئێك، بەلێ دگەل هندێ ژى ياباشە ئەو رێز و عەدەتان بەرچاڤ وەرگرن، و كارەكێ وەسا نەكەن مالا كچێ شەرمێ ژ خۆ بكەت، پاشى ببيتە ئەگەرێ نەخۆشيێ د ناڤبەرا واندا ل پاشەرۆژێ، بەلێ هەكە نەهاتبيتە ماركرن و بەس يا هاتيە خواستن.. هنگى دڤێت تخويبێت شەرعى هەمى بێنە پارستن، نابيت ب شەهوەت بەرێ خۆ بدنە هەڤدوو، و نابيت ب تنێ بميننە دگەلێك و پێكڤە دەركەڤن و دەستێ خۆ بدەنەف ئێك، و هندى نەهێنە ماركرن ئەو بۆ هەڤدوو بيانينە، كا سەرەدەرى و هەڤكارى د ناڤبەرا بيانياندا چاوانە دڤێت وەسابن دگەلێك، و نەبێژە من سەيدا ئەڤە خواستيێت ئێكن چاوا بيانينە بۆ ئێك و دوو! باشە ما ئەو نێزيكترە بۆ وى يان كورمام و كورخالەت و كور مەتێت وێ؟ پشتراست بەرسڤا ئاشكرايە بەلێ دگەل هندێ ژى دڤێت فەرمان و تخويب د پاراستى بن، و هەكە ببينن ل سەر وان يا ب زەحمەتە ئێكدوو نەبينن و دگەل ئێكدوو نەئاخڤن و دگەل ئێكدوو نەدەركەڤن بلا خۆ ل هەڤ ماركەن دا ژ بەرتەنگيێ رزگارببن، و خودێ چێتر دزانيت.
