ب / هەتا ئەم بزانين زەلام يێ نەمێرە دڤێت ئەو ل سەر خۆ ئاشكراكەت و بێژيت من شيان نينن، يان ژن بێژيت و ئەو نەوەيى نەدانيت، يان ژن سويند بخۆت و ئەو رازى نەبيت سويند نەخۆت، و هەكە هۆسابيت بۆ ژنێ هەيە پرسا خۆ بگەهينيتە دادگەهێ و خۆ بدەتە بەردان، هەرچەندە شافعى و حەنبەلى دبێژن: ژێكڤەبوونا وان فەسخە نەبەردانە، و حەنەفى و مالكى دبێژن: بەردانە و نە فەسخە، و هەكە بەردا هەژى هەمى مەهرا خۆيە يا هاتيە خواستن، و هەكە وێ ڤيا ئەو بەردان و ژێڤەكرنێ نەخوازيت ئەڤە تشتەكە دزڤريتە وێ، بەلێ ئەڤە نەواجبە ل سەر وێ، و خودێ چێتر دزانيت.
