ب: ئەڤە داخوازەكا خەلەتە و نەدورستە و نە د جهێ خۆدايە، و دويرە ژ عەقل و تێگەهشتنێ، و يا زيانكارە، دڤێت كەس ژ وان رابردوويێ خۆ بۆ يێ دى نەڤەكەت، و هەركەسێ نهێنيەك و ئەزموونەك هەى، دڤێت بنگۆركەت و بپارێزيت، چو مفا تێدا نينە نهێنى و ئەزموونێت دەم و زەمان ب سەرڤە چۆيى بۆ هەڤدوو ڤەگێرن، و هەكە وەكرن ئەڤێ خۆشى و ڤەهسيانێ دێ ژ وان دزيت و چو جار دل تەنا و رەحەت نابن، يا فەر ئەوە هەردوو هەر چ كربيت لێ پەشێمان ببن و تۆبەكەن و خەمێ ژ خێزانا خۆ بخۆن، ئەڤەيە راستگۆيى و دلسۆزى نە نهێنى بێنە ئاشكراكرن؛ دا وەكى مارەكى ب دويف مرۆڤيڤە بن و بەلا خۆ د خەو و خەونادا ژى ژ مرۆڤى ڤەنەكەت و خودآ چێتر دزانيت.
