ب / ڤيان تشتەكە نە د دەستێ مرۆڤيدا و كەس نەشێت ڤيانا خۆ دەستەسەر بكەت و كار تێدا بكەت، دايك نەيا گونەهكارە هەكە زولمێ و ستەمێ ل زارۆكێت خۆ يێت دى نەكەت و ما بەينا وان نەخۆش نەكەت، هەكە وەكر يا گونەهكارە، ئەڤە ژى وەكى دويفچۆنا زەلاميە بۆ ئێك ژ هەڤژينێت خۆ. پێغەمبەرى (سلاڤێت خودێ لێ بن) ژ هەڤژينێت خۆ پتر هەميا حەژ عائيشايێ دكر (خودێ ژێ رازی بیت) و دگۆت: (اللهم هذا قسمي فيما أملك فلا تلمني فيما تملك ولا أملك) يا خودێ ئەڤە شيانا منە ڤێجا ل من نەگرە ل سەر يا تو دشێى و ئەز نەشێم، و خودێ چێتر دزانيت.
