ب / حەنبەلى و هندەك مالكى و هندە زانا وەكى تاووسى و سەورى و ئيسحاق دگەل هندێنە دڤێت فەرق و جوداهي د ناڤبەرا واندا نەهێتەكرن و دياري و دانا وان وەكى ئێك بيت، چونكى پێغەمبەرێ خودێ (سلاڤێت خودێ لێ بن) ئەمرێ دايبابان دكەت عەدالەت و دادپەروەريێ د ناڤبەرا عەيالێ خۆدا بكەت، هەروەكى ئيمام ئەحمەد و ئەبو داوود و نەسائى ژ نەعمانێ كورێ بەشيرى (خودێ ژێ رازی بیت) ڤەدگوهێزن، دبێژيت: (اعدلوا بين أبنائكم اعدلوا بين أبنائكم اعدلوا بين أبنائكم) و تەبەرانى و بەيهەقى و سەعيد بن مەنسور ژ ئبن عەباس (خودێ ژێ رازی بیت) ب ڤێ بێژەيێ ڤەدگێرن: (سووا يبن أولادكم في العطيە ولو كنت مفضلا أحدا لفضلت النساء) ژ ڤان هەردوو ريوايەتان دهێتە زانين نابيت فەرق و جوداهيێ د ناڤبەرا عەيالاندا بهێتەكرن نەخاسمە كچ و كوران. و پێغەمبەر (سلاڤێت خودێ لێ بن) دبێژيت: هەكە من ئێك ب سەر ئێكى ئێخستبا دا كچان ب سەرئێخم. بەلێ هەكە ئەگەرەكێ شەرعي هەبيت و عەيالێت دى د رازى بن و مەخسەد و ئنيەتا دايكێ نە زيان گەهاندن و فەرق و جوداهي بيت دورستە دانا وێ وەكى ئێك نەبيت، هەروەكى جمهورێ زانايان ئيمام مالك و ئيمام ئەبو حەنيفە و ئيمام شافعي خودێ ژ وان رازى بيت ڤێ دبێژن، بەلێ موستەحەبە وەكى ئێك دان بۆ هەبيت، و خودێ چێتر دزانيت.
