ب / بەلێ جوداهي د ناڤبەرا واندا يا هەي، هەردەمێ كور شيا شۆل بكەت و بلا نەبالغ ژى بيت ل سەر بابێ واجب نينە وى خودانكەت، و باب دشێت بێژتە كورێ هۆسا هەرە بۆ خۆ شۆلكە و ئەز نەيێ مەجبورم تە خودانكەم، و ئەڤە بۆچۆنا حەنەفيان و شافعيان و پتريا حەنبەليانە، و ل دەف مالكيان ل سەر بابێ واجبە كورى خودانكەت يێ پارە و مال نەى هەتا بالغ دبيت.
بەلێ كچ ل دەف حەنەفيان و مالكيان و حەنبەليان ل سەر بابێ واجبە وێ خودانكەت هەكە وێ پارە و مال نەبن هەتا شوى بكەت، و هندى شوى نەكەت دڤێت بێتە خودانكرن ژ لايێ بابێڤە و نابيت خورتى لێ بێتەكرن دەركەڤيت بۆ شۆلى دا خۆ خودانكەت بەروڤاژيا كورى.. هەردەمێ شيا شۆلكەت و خۆ خودانكەت ل سەر بابێ واجب نينە بەردەواميێ بدەتە خودانكرنا وى، و هەكە ژ دەف خۆ بەردەوامى دايێ ئەڤە باشيە و خۆبەخشينە دكەت و ل سەر واجب نينە، و خودێ چێتر دزانيت.
