ب / دەمێ ژن كەفتە د ژڤانێت بەردانێدا يان ژڤانێت مرنا زەلاميدا نابيت بێتە خواستن، و خواستنا وێ ب ئاشكرايى يا حەرامە و نەيا دورستە، بەلێ ئاخفتن د دليدا بێتە گۆتن يان ب ئيشارەتان نە ب ئاشكرايى چو تێدا نينە و نەيا حەرامە. خودێ مەزن ل دۆر ڤێ چەندێ دبێژيت: ((وَلَا جُنَاحَ عَلَيْكُمْ فِيمَا عَرَّضْتُمْ بِهِ مِنْ خِطْبَةِ النِّسَاءِ أَوْ أَكْنَنْتُمْ فِي أَنْفُسِكُمْ عَلِمَ اللَّهُ أَنَّكُمْ سَتَذْكُرُونَهُنَّ وَلَكِنْ لَا تُوَاعِدُوهُنَّ سِرًّا إِلَّا أَنْ تَقُولُوا قَوْلًا مَعْرُوفًا وَلَا تَعْزِمُوا عُقْدَةَ النِّكَاحِ حَتَّى يَبْلُغَ الْكِتَابُ أَجَلَهُ وَاعْلَمُوا أَنَّ اللَّهَ يَعْلَمُ مَا فِي أَنْفُسِكُمْ فَاحْذَرُوهُ وَاعْلَمُوا أَنَّ اللَّهَ غَفُورٌ حَلِيمٌ)) و گونەهـ ل سەر هەوە نينە و نە د گونەهكارن، هوين بێژنێ بەرى رۆژێت خۆگرتنێ ب دويماهى بێن ب رەنگەكى تێ بگەهينن كو هەوە دل يێ ل سەر. يان بێخنە د دلێ خۆدا چ گاڤا رۆژێت خۆگرتنێ تەمام بوون مار بكەن، بەلێ نابيت هوين ئێكسەر بخوازن خودێ زانى هوين دێ سوحبەتا وان كەن كو هەوە دلێ ل سەر وان بەلێ چو ژڤانان ب دزيكيڤە نەدەنە وان ژبلى هندێ هوين ئاخفتنەكا عەدەتى بێژن بدەنێ وەكى هێژ تو يا ل سەر خۆ، من دل تێ هەيە ئێكا وەكى تە بۆ خۆ بينم، كو پێ تێ بگەهيت، تە چ ل بەرە، و مار نەكەن هەتا دەمێ وێ يێ خۆگرتنێ ب دويماهيك نەئێت، و بزانن خودێ يا د دلێ هەوەدا دزانيت، ڤێجا ژبەر هندێ خۆ ژێ بپارێزن ب كرنا تاعەتان و دانەپاشا گونەهان و گوهداريا وى بكەن، و بزانن بێ گۆمان خودێ گونەه ژێبەر و بێنفرەهە ل سەر جزادانێ.
و نابيت د ڤى دەميدا نە بێتە خواستن و نە بێتە مارەكرن، و ئەگەر هاتە مارەكرن دڤێت دادوەر وان ژێكڤەكەت و چو جارا ناگەهنەڤە ئێك وەك سزا بۆ وان، چونكى د ژڤاناندا ئەڤ مارەكرنە چێ بوو، ئەڤە دويف بۆچۆنا دورستتر ژ گۆتنێت زانايان، و خودێ چێتر دزانيت.
