ب / ئەو ژنا زەلامێ وێ ئەمرێ خودێ دكەت و ئەڤ نەخۆشيە دهێتە سەرى، دڤێت بێهنا خۆ فرەكەت و سەرەدەريەكا دورست دگەل قەدەر و نڤێسانا خودێ بكەت، و خێر يا د وى تشتيدا يێ خودێ ڤياى و بلا بۆ خۆ ڤێ دوعايێ بكەت (اللَّهمَّ أجرني في مُصِيبَتي، وَاخْلُف لي خَيْراً مِنْهَا، إِلاَّ أَجَرَهُ اللَّهُ تعَالى في مُصِيبتِهِ وَأَخْلَف له خَيْراً مِنْهَا) ب راستى ئەم هەر يێت خودێينە ئانكو ئەم بەندەيێت وينە، و هەر دێ ب بال ويڤە زڤرين، يا خودێ بەلايا من خێر بۆ من بنڤێسە، و باشتر بۆ من ل جهى بدانە. ئوم سەلەمە دايكا مە موسلمانا (خودێ ژێ رازی بیت) د ڤەگێرا موسلميدا دبێژيت: (مَا مِنْ عبدٍ تُصِيبُهُ مُصِيبَە، فيقولُ: إِنَّا للَّهِ وَإِنَّا إِليهِ رَاجِعُونَ: اللَّهمَّ أجرني في مُصِيبَتي، وَاخْلُف لي خَيْراً مِنْهَا، إِلاَّ أَجَرَهُ اللَّهُ تعَالى في مُصِيبتِهِ وَأَخْلَف له خَيْراً مِنْهَا. قالت: فَلَمَّا تُوُفِّى أَبُو سَلَمَە، قلتُ كما أَمَرني رسولُ اللَّهِ صَلّى اللهُ عَلَيْهِ وسَلَّم فَأَخْلَفَ اللَّهُ لي خَيْراً منْهُ رسولَ اللَّهِ صَلّى اللهُ عَلَيْهِ وسَلَّم) من گول پێغەمبەرێ خودێ بوو (سلاڤێت خودێ لێ بن) دگۆت: نينە بەندەيەك بەلايەك ئاتافەك ب سەرى بهێت، بێژيت: ب راستى ئەم هەر يێت خودێينە ئانكو ئەم بەندەيێت وينە، و هەر دێ ب بال ويڤە زڤرين، يا خودێ بەلايا من خێر بۆ من بنڤێسە، و باشتر بۆ من ل جهى بدانە هەكە خودێ خێرێ ل سەر نەخۆشيا وى نەدەتێ و باشتر بۆ بەدەل ڤەنەكەت. ڤێجا دەمێ ئەبو سەلەمە (خودێ ژێ رازی بیت) مرى من ئەو گۆت يا پێغەمبەرێ خودێ (سلاڤێت خودێ لێ بن) ئەمرێ من پێ كرى: ئينا خودێ بۆ من باشتر ل جهێ وى بەدەلڤەكر: موحەممەد (سلاڤێت خودێ لێ بن).
و پاشى دڤێت چار هەيڤ و دەه رۆژان خۆ بگريت بێهن خۆشيان ب كار نەئينيت و جوانكاريا خۆ نەكەت, و ئەڤە رامانا وێ ئەو نينە جلكێت كرێت و قرێژى و درياى و رەش بكەتە بەر خۆ، نەخێر.. پاقژي ژ ئيمانێيە دڤێت گرنگيێ بدەتە پاقژيێ، بەلێ خەملا خەمل د دەمێ بۆريدا ناهەلگريت، چونكى خودێ مەزن دبێژيت: ((وَالَّذِينَ يُتَوَفَّوْنَ مِنْكُمْ وَيَذَرُونَ أَزْوَاجًا يَتَرَبَّصْنَ بِأَنْفُسِهِنَّ أَرْبَعَةَ أَشْهُرٍ وَعَشْرًا فَإِذَا بَلَغْنَ أَجَلَهُنَّ فَلَا جُنَاحَ عَلَيْكُمْ فِيمَا فَعَلْنَ فِي أَنْفُسِهِنَّ بِالْمَعْرُوفِ وَاللَّهُ بِمَا تَعْمَلُونَ خَبِيرٌ)) هەوە ئەوێت دمرن و ژنان ب پاش خۆڤە دهێلن، دڤێت ئەڤ ژنە بەرى شوى بكەن خۆ چار هەيڤ و دەه رۆژان بگرن، ڤێجا ئەگەر گەهشتنە دويماهيا دەمێ خۆگرتنێ، چو گونەه ل سەر هەوە نينە، ئەو دويف عەدەتى كارێ خۆ بكەن دا بێنە خواستن و جارەكا دى شويكەن و خودێ ب كار و كريارێت هوين دكەن ئاگەهدار و شارەزايە، و خودێ چێتر دزانيت.
