ب / كا چاوا بۆ كورى هەيە كچێ ببينيت، چ ب ئاگەهداريا وێ چ ب نەپەنيڤە و بێى ئاگەهيا وێ، وەسا كچێ ژى ئەو مافێ هەى، و كا چاوا كور بەرێ خۆ ددەتە خەملێ و جوانيێ وەسا كچ ژى ڤێ دخوازيت و مافێ وێيە، لەوا عومەرێ كورێ خەتابى (خودێ ژێ رازی بیت) دبێژيت: (لا تكرهوا فتياتكم على الرجل الدميم - وفي لفظ القبيح - فإنهن يحببن مپل ما تحبون) كچێت خۆ ب كۆتەكى نەدەنە يێت كەشەفرێت، ب راستى ئەو ژى وێ حەز دكەن يا هوين حەزدكەن. و زانا دبێژن: باشە سەرێ وى و پاتكا وى و سەروچاڤێت وى و دەستێت وى ببينيت، د ڤان جهاندا هێزا وى و جوانيا وى و ژيێ وى دێ بۆ دياربيت، و خودێ چێتر دزانيت.
