ب / دەستپێكێ فەرە ژێگرتنا كچا يا دورست بيت و رێك ل سەر بنياتێ پێغەمبەراتيێ دابيتە كورێ بهێت دخوازيت و بۆ خۆ بەرێ خۆ بدەتێ و دەرگەهێ خۆ بۆ هەركەسەكێ هەبيت ڤەنەكەت و دەرفەتێ نەدەتە هەركەسەكێ هەبيت و شەنگست و بنياتێ پێغەمبەراتيێ ئەو كورێ ديندار و سنجدار و خودان رەوشت و ساخلەتێت جوان، هەروەكى پێغەمبەرى (سلاڤێت خودێ لێ بن) گۆتيە وێ و يێت ژ وێ بەرپرس ژ دەيباب و برايان دبێژيت: (إذا جاءكم من ترضون دينه وخلقه فأنكحوه إلا تفعلوه تكن فتنە في الأرض وفساد عريض) گەلى دايبابان و سەركارێت كچان.. هەكە ئەو هات كچێت هەوە بخوازيت يێ هوين ژ دين و ئەخلاقێ وى رازى بدەنێ، و هەكە وەنەكەن دێ بەلا و خرابيەكا مەزن د عەرديدا چێبيت. هەژيە بێژين پێغەمبەرى (سلاڤێت خودێ لێ بن) سێ جاران ئەڤ ئاخفتنە دوبارەكر، و ئەڤ بەرێخۆدانە هاريكارە هەڤدوو گەهشتن و دلۆڤانى د ناڤبەرا هەردووكاندا پەيدا ببيت. ئەنەس (خودێ ژێ رازی بیت) د ڤەگێرا حاكم و ئبن حەبان و ئيمام ئەحمەد و ترمزيدا دبێژيت: (ان المغيرة بن شعبة أراد أن يتزوج امرأة فقال له النبي (سلاڤێت خودێ لێ بن) إژهب فانڤر إليها فإنه أحرى أن يۆدم بينكما) موغيرێ كورێ شوعبەى (خودێ ژێ رازی بیت) ڤيا ژنەكێ مارەبكەت، پێغەمبەرى (سلاڤێت خودێ لێ بن) گۆتێ: هەرە بەرێ خۆ بدێ ئەڤە باشترە هەوە بگەهينيتە ئێك و دلێت هەوە بينيتە بەرێك. و ئەبو داوود و حاكم و ئيمام ئەحمەد ژ جابرێ كورێ عەبدوللاى (خودێ ژێ رازی بیت) ڤەدگێريت، دبێژيت: پێغەمبەرى (سلاڤێت خودێ لێ بن) گۆت: (إذا خطب أحدكم امرأة فإن استطاع أن ينظر إلى بعض ما يدعوه إلى نكاحها فليفعل) هەكە ئێكى ژ هەوە كچەك خواست و شيا و بۆ دەست دا يا وى ژێ بڤێت ببينيت دا مەهركەت بلا بەرێ خۆ بدەتێ. و ل دەف ئەبو داوودى ئەڤ زێدەييە هاتيە: جابر (خودێ ژێ رازی بیت) دبێژيت: من دڤيا كچەكێ بخوازم من ب بەرزەييڤە بەرێ خۆ ددايێ بێى ئاگەهداريا وێ. بەلێ چەند ژ لەشێ ژنێ بۆ هەيە بەرێ خۆ بدەتێ و تخويبێ ديتنا وى چەندە، زانا ل سەر ڤێ چەندێ پتر ژ بۆچۆنەكێنە:
ئێك: جمهورێ فقهزانان ژ مالكيان و شافعيان و حەنەفيان و ڤەگێرەك ژ ئيمام ئەحمەد: بۆ هەيە بەرێ خۆ بدەتە سەروچاڤێت وێ و دەستێت وێ هەتا جهێ بازنان، و ل دەف حەنەفيان و پيان ژى، چونكى ب ديتنا ڤان جهان دێ ئارمانجا وى ب جه هێت ب ديتنا سەروچاڤان، جوانيا وێ دێ دياربيت و ب ديتنا دەستان يان پيان دێ قەلەويا وێ بۆ ئاشكرابيت و هەر ئەڤە يا داخوازكريە جوانيا وێ و قەلەويا وێ بزانى.
دوو: هەرجهێ د خزمەتكرنێدا دەردكەڤيت بۆ هەيە ببينيت، وەكى دەست و پێ و حەفك و سەروچاڤ و پيان، و ئەڤە بۆچۆنا هندە حەنبەليانە.
سێ: هەرجهێ بخوازيت ببينيت دا بريارا ئێك لا بدەت و ئەڤە بۆچۆنا دادوودێ زاهريە.
و ب راستى بۆچۆنا جمهورێ زانايان بهێزتر و باشترە و مەبەستا كورى پێ دهێتە جه و هەكە زێدەتر ڤيا ئەو دشێت ژنەكێ فرێكەتە دەف بۆ بەرێ خۆ بدەتە پرچێ وێ و بەژنا وێ و هەتا بۆ بهێنكەتە دەڤێ وێ و بن كەفشێت وێ كا بهێن ژێ تێت يان نە و پاشى بريارا خۆ يا دويماهيێ بدەت، و خودێ چێتر دزانيت.
