ب / هەكە زەلام دەست كورت بوو و نەشيا ژنا خۆ خودانكەت و نەچاريا خۆ ئاشكراكر، بۆ ژنێ هەيە رەوشا خۆ بگەهينيتە دادگەهێ و دادوەرى و هەكە خواست ژبەر ڤێ ئەگەرێ وان ژێكڤەكەت دادوەر دێ وان ژێكڤەكەت، و ئەڤە بۆچۆنا كۆمەكا سەحابا و تابعيانە و مەزهەبێ شافعي و مالكيە، و هەكە زەلام نەشيا وێ خودانكەت و وێ ژ مالێ خۆ ل خۆ مەزاخت بۆ هەيە هەرگاڤا زەلامێ وێ شيان هەبوون ل سەر بكەتە دەين و ژێ بخوازيت كا چ مەزاختيە بۆ بزڤرينيت، و هەكە ژنێ ژ مالێ خۆ بەرخۆ و مالا خۆدا مەزاخت ب ئنيەتا خێرێ.. هنگى دێ بۆ بيتە سەدەقە و خێر، و بۆ ژنێ هەيە هەكە زەلامێ وێ يێ هەژار بيت و ئەو يا خودان مال بيت زەكاتا خۆ بدەتە زەلامێ خۆ، و ل دەف كەسێ واجب نينە ژن ل زەلامێ خۆ بمەزێخيت هەكە يێ هەژار بيت ل دەف ئيمام ئبن حەزم (خودێ ژێ رازی بیت) نەبيت، ل دەف وى هەكە زەلامى چو نەبيت و ژن يا زەنگين بيت هنگى ل سەر وێ واجبە ئەو ل زەلامێ خۆ بمەزێخيت، بەلێ ئەڤە بۆچۆنا وى ب تنێيە، و جمهور و جەماهيرێ زانايان نەدگەل ڤێ بۆچۆنێنە هەكە ژنێ وەكر تشتەكێ باشە و دووجاركى خودان خێرە، بەلێ ل سەر وێ واجب نينە، و خودێ چێتر دزانيت.
