ب / ژنا شويكرى باشە هەر تشتەكێ بكەت دان و ستاندنآ دگەل زەلامێ خۆ بكەت و حەز و رەغبەتا وى بزانيت دا تشتێ دژ و بەروڤاژى حەزا وى نەهێتەكرن و ببيتە ئەگەرێ هەڤركيێ، و ب گشتى دورستە ب شريعەت ژن دەرمانێت قەلەويێ بخۆت يان خوارنەكا قەلەوكەر يان زەعيفكەر بخۆت. بابەتەك د ڤەگێرا ئەبو داووديدا هاتيە هشامێ كورێ عوروەى (خودێ ژێ رازی بیت) ژ عائيشايێ (خودێ ژێ رازی بیت) دايكا مە موسلمانان دبێژيت: ئەز يا زەعيف بووم بەرى بچمە دەف پێغەمبەرى (سلاڤێت خودێ لێ بن)، دايكا من دڤيا ئەز پيچەكێ قەلەو ببم و ئەز قەلەو نەبووم هەتا تروزى و روتەب پێكڤە نەداينە من. و ئەڤە بەلگەيە دورستە دەرمان يان خوارنێت تايبەت بێنە وەرگرتن بۆ زەعيفكرنێ يان قەلەوكرنێ، و خودێ چێتر دزانيت.
