ب / بەلێ جوداهى د ناڤبەرا ژنێ و زەلاميدا نينە، و ژن دشێت نەخاسمە هەكە ئەوێ پێڤە دخوينيت مەحرەمێت وێ بن، و ئيمامێ بوخارى (خودێ ژێ رازی بیت) بابەتەك د كتێبا (طب)دا ئينايە بن ناڤ و نيشانێت (المرأة ترقي الرجل) و تێدا ئينايە دەمێ نەخۆشى ل سەر پێغەمبەرى (سلاڤێت خودێ لێ بن) گران بووى و نەشياى ئەو ب خۆڤە بخوينيت و دەستێت خۆ د خۆدا بينيت و خۆ پێ ڤەماليت، عائيشا دايكا مە موسلمانان (خودێ ژێ رازی بیت) دبێژيت: دەمێ ئێشا وى گران بووى و نەشياى من دەستێت خۆ كۆم دكرن پاشى پف دكرە تێدا و (قُلْ هُوَ اللَّه أَحَدٌ، وقُلْ أَعُوذ بِرَبِّ الفلَقِ، وَقُلْ أَعُوذ بِربِّ النَّاسِ) تێدا دخواند پاشى هندى ئەز دشيام من لەشێ وى پێ ڤەدمالى. و ديسا هاتيە ڤەگێران شيفائا كچا عەبدوللاى(خودێ ژێ رازی بیت) پێڤەخواندن دكر بەرى موسلمانەتيێ. هاتە دەف پێغەمبەرى (سلاڤێت خودێ لێ بن) پسيارا ڤێ چەندێ ژ پێغەمبەرى (سلاڤێت خودێ لێ بن) كر و گۆتێ: يا پێغەمبەرێ خودێ من بەرى موسلمانەتيێ پێڤەخواندن دكر، كا ئەز چ بكەم! گۆتێ: تە چ دگۆت بۆ من بێژە، پشتى بۆ گۆتى پێغەمبەرى (سلاڤێت خودێ لێ بن) گۆتێ بەردەوام بە، ڤێجا هەكە پێڤەخواندنێ ڤەمالين دگەل بيت دڤێت بۆ مەحرەمان بيت و بۆ ژنان بيت، و هەكە بەس پێڤەخواندن و دوعايێت شيفا خوازيێ بن دورستە بۆ هەركەسێ هەبيت بكەت و پێڤە بخوينيت، و خودێ چێتر دزانيت.
