ب / مويێ سپى رۆژا قيامەتێ بۆ موسلمانى دبيتە رۆناهى و تارياتيا قيامەتێ بۆ رۆن دكەت، و پێغەمبەرى (سلاڤێت خودێ لێ بن) نەهيا كرى موسلمان مويێ سپى ژ سەرێ خۆ بينيتە دەرێ، و مەكروهە ژن يان مێر دەمێ مويێت سپى د سەرێ خۆ ببينن بيننە دەرێ، و ئەڤە بۆچۆنا مالكى و شافعى و حەنبەليانە، و ئەڤ حەديسە ژ ڤەگێرانا ئەبو داوود و نەسائى و ترمزى و ئبن ماجە و ئبن حەبان و ئيمام ئەحمەديە و ب چەند بێژەكا هاتيە ژ وان: (لاَ تَنْتِفُوا الشَّيْبَ، فَإنَّهُ نُورُ المُسْلِمِ يوْمَ الْقِيامة) مويێت سپى نەئيننە دەر، ب راستى ئەو رۆناهيا موسلمانينە رۆژا قيامەتێ. (لا تَنْتِفُوا الشَّيْبَ فإنه نُورُ الْمُسْلِمِ ما من مُسْلِمٍ يشِيبُ شَيْبَة في الْإِسْلامِ إلَّا كَتَبَ اللَّهُ له بها حَسَنَة وَرَفَعَهُ بها دَرَجَة وَحَط عنه بها خَطيئَە) هەركەسێ مويەكى د ئيسلامێدا سپيكەت دێ خێرەك بۆ پێ هێتە نڤێسين و گونەهەك بۆ پێ هێتە ژێبرن، دەرەجەك بۆ پێ هێتە بلندكرن. د ڤەگێرەكا ديدا يا تەبەرانيدا دبێژيت: (ثلاثة لا يستخف بهم إلا منافق ذو الشيبة في الإسلام وذو العلم وإمام مقسط) سێ مرۆڤان كەس سڤكيێ پێ ناكەت دووروى نەبيت، يێ د ئيسلامێدا پيربووى و خودان زانين و سەروەرێ دادپەروەر. و هاتيە ڤەگوهاستن ئيبراهيم پێغەمبەرى (سلاڤێت خودێ لێ بن) دەمێ مويێ ئێكێ يێ سپى ب سەرێ خۆڤە ديتى، گۆت: يا خودێ ئەڤە چيە؟! گۆتێ: ئەڤە رێز و حورمەتە، ئينا گۆت: يا خودێ رێز و حرمەتان ل من زێدەكە. ئەنەس (خودێ ژێ رازی بیت) دبێژيت: پێغەمبەرێ خودێ (سلاڤێت خودێ لێ بن) گۆت: ب راستى خودێ هەر يێ مەزن و ب هێز شەرم ژ بەندەيێ خۆ و بەندەيا خۆ دكەت د ئيسلامێدا پير ببن (مويێت سپى بكەڤنە سەرێت وان) پاشى وان ئيزادەت. ژبەر ئەڤا بۆرى دڤێت ئەم ب خەم نەكەڤين دەمێ مويێت سپى دكەڤنە سەرێت مە، و خودێ چێتر دزانيت.
