ب / تەبەروج گونەه و بێ ئەمرى و نەگوهداريەكا ئاشكەرايە بۆ فەرمان و ئەمرێت خودێ و پێغەمبەرى (سلاڤێت خودێ لێ بن)، لەوا ئيمامێ زەهەبى ژ گونەهێت كەبائير و مەزن دانايە، و نە ژ گونەهێت بچويكە، و تەبەروج ئەوە ژن جوانيا خۆ ئاشكراكەت و دەرسۆكێ نەكەتە سەرێ خۆ، و هەكە كرێ ژى، گرێنەدەت دا حەفكا وێ و گوهاركێت وێ و گەردانا حەفكێ ژێ دەركەڤيت و ئاشكرا ببيت، يان تێكەليا زەلامان بكەت و رێڤەچۆنەكا خوار و ڤيچ و شكەستن و نازدارى تێدا بچيت، و ئەو جهێ دلێ زەلامان ب ئارينيت ژبلى سەروچاڤان ئاشكراكەت، ئەڤ رەنگێ خۆ ئاشكراكرنێ خودێ نەهيا ژێ كرى و دبێژيتە كچ و ژنان ((وَلَا تَبَرَّجْنَ تَبَرُّجَ الْجَاهِلِيَّةِ الْأُولَى)) گەلى ژنان جوانيا خۆ ئاشكەرا نەكەن وەكى ئاشكەراكرنا سەروەختێ نەزانينا بەرێ ب رێڤەچۆنەكا شكەستن و خوار و ڤيچى و نازدارى تێدا. و زانا دبێژن: نەزانينا بەرێ دەمێ بەرى ئيسلامێيە، هندەك دبێژن نەزانينا بەرێ دزڤريتە دەمێ بەرى بوونا ئيبراهيم پێغەمبەر (سلاڤێت خودێ لێ بن)، و خودێ چێتر دزانيت.
