ب : ژنێ دئیسلامێدا یا شیكری بیت یان نه، كه‌سایه‌تیا خۆ یا ئابوری خه‌سه‌ری یا هه‌ی، ومافێت ڤێ كه‌سایه‌تیێ ته‌مامی یێت هه‌ین، و مافێ مولكداریێ یا هه‌ی، و كه‌سێ ماف نینه زورداریێ لێ بكه‌ت، و ب خورتی پارێ وان ژێ بستینیت، یان ده‌ستكاریێ تێدا بكه‌ت بێی ده‌ستوریا وێ، ژبه‌رهندێ راتبێ وێ مولكێ وێیه، و نابیت دایباب یان برا ب خورتی لێ وه‌رگرن، ژبلی هه‌كه دایباب دهه‌ژاربن و پێدڤی بن دڤێت ئه‌و دایبابێت خۆ خودانكه‌ت، و مه‌صره‌فی ل وان بكه‌ت، ئه‌ڤه نه به‌س ئه‌ركێ كوران تنێیه دایبابان خودانكه‌ن، هه‌كه كچێ دمالێ خۆدا شیان هه‌بن، به‌لێ هه‌كه دایباب دحال خۆشبن، و پێدڤی ب راتبێ كچا خۆ نه‌بیت، نابیت خورتی لێ بێته وه‌رگرن، به‌لێ هه‌كه ئه‌و ب دلێ خۆ و ژ ده‌ف خۆ ب ده‌ته وان و ل وان ب مه‌زێخیت كاره‌كێ باشه خودایێ مه‌زن دبێژیت: (يَسْألُونَكَ مَاذَا يُنفِقُونَ قُلْ مَا أَنفَقْتُم مِّنْ خَيْرٍ فَلِلْوَالِدَيْنِ وَالأٌّقْرَبِينَ وَالْيَتَامَى وَالْمَسَاكِينَ وَابْنِ السَّبِيلِ وَمَا تَفْعَلُواْ مِنْ خَيْرٍ فَإِنَّ اللَّهَ بِهِ عَلِيمٌ) پسیارا ته دكه‌ن چ ب مه‌زێخن، ده‌ستپێكێ گۆت هه‌ر تشتێ هه‌ین ب مه‌زێخن ب مه‌زێخن به‌لێ بۆ دایبابان به‌ری هه‌میان و دبێژیت: (وَمَا تُقَدِّمُواْ لاًّنفُسِكُمْ مِّنْ خَيْرٍ تَجِدُوهُ عِندَ اللَّهِ هُوَ خَيْراً وَأَعْظَمَ أَجْراً) هه‌رتشتێ هوین بۆ خۆ بكه‌ن دێ ل ده‌ف خودێ مه‌زنتر بینن ژوێ یا هه‌وه كری تۆ چ دبێژێ هه‌كه ئه‌و باشی ل گه‌ل دایبابان بیت ئه‌وێت چه‌ند جاران دقورئانێدا ئه‌مرێ مه هاتیه‌كرن ئه‌م دباش بین و باشیێ ل گه‌ل وان بكه‌ین.
و هاریكرنا وێ بۆ دایبابێت وی یێت حال خۆش دێ ڤیان و حه‌زژێكرنێ دناڤبه‌را واندا پتر لێ كه‌ت له‌وا پێغه‌مبه‌رێ خوشتڤی سلاڤێت خودێ ل سه‌ربن دبێژیت: (تهادوا تحابوا) و نابیت دایباب بێژنه زاروكێت خۆ به‌رامبه‌ر وێ مه‌زخاندنا مه ل هه‌وه كری دڤێت موچێ خۆ بینن ب ده‌نه مه؛ چونكی ئه‌و ئه‌رك و واجبه، نابیت به‌رامبه‌ر شوینێ بێته وه‌رگرتن، و دوماهیێ ئه‌ز ڤێ نابێژم دا كچ و چ كور خراببن و دگوهدارنه‌بن، دڤێت ئه‌و ب زانن هه‌كه ژیێ خۆ هه‌میێ دایبابێت خۆ ل پشتا خۆ بكه‌ن، ئه‌و مافێ وان ل سه‌ر خۆ راناكه‌ن نه‌خاسمه یێ دایكێ، و دڤێت ده‌رێغیێ دراستا دایباندا نه‌كه‌ن و دبن خزمه‌تا وانڤه‌بن و ب مالێ خۆ رازیبوونا وان ب ده‌ست خۆڤه بینن، به‌لێ به‌س بۆ دیاره‌كرنا حوكێ شه‌رعی ئه‌م ئه‌م ڤێ دبێژین و خودێ چێتر دزانیت.
