پ : ده‌مێ خودایێ مه‌زن فه‌رمانا مه كری ئه‌م ل گه‌ل دایببان یێت باشبین و پێنج جاران ئه‌ڤ فه‌رمان دقورئانێدا هاتیه دوباركرن (وَبِالْوَالِدَيْنِ إِحْسَانًا) مه‌خسه‌د پێ كور تنێ نینن، به‌لكی ژ كور كچان دگریت، و مافێ دایبابان ل سه‌ر كور و كچان وه‌كی ئێكه، و ل دویف شیانێت وان، و هه‌كه كچا شیكری یا زه‌نگین بیت و مالێ خۆ هه‌بیت و نه یێ زه‌لامێ وێ بیت، و یێ وێ یێ تایبه‌ت بیت، چ ژ میراته‌كێ گه‌هشتبیتێ، یان ژ بازرگانیه‌كێ، یان ژ موچه‌وه‌‌رگرتنه‌كێ و دایبابێت وی یێت هه‌ژار و پێدڤی بن، دڤێت ل وان ب مه‌زخییت، و نه‌بێژیت ئه‌ڤه به‌س ئه‌ركێ كورانه، ماده‌م مالێ وی ب خو یه، به‌لێ هه‌كه وێ مال نه‌بیت، و یێ زه‌لامێ وێ بیت، دڤێت بێ ده‌ستویریا زه‌لامێ خۆ چ ل دابابێت خۆ نه مه‌زێخیت، و ئه‌ڤه ل سه‌ر وێ واجب نینه، به‌لێ هه‌كه یا زه‌نگین بیت دڤێت ل گه‌ل كوران هاریكاریا دایبابێت خۆ بكه‌ت و هه‌ر ئێكی ل دویف شیانا خۆ، و هه‌كه وه‌نكر و گوت ئه‌ڤه به‌س ئه‌ركێ كورانه و ئه‌ز یا شیكریمه، یا گونه‌هكاره و خودێ چێتر دزانیت.
