ب : پێدڤییه ژن بزانیت ده‌مێ ئه‌و جلكی نه شه‌رعی و نه‌دورست دكه‌تێ بێ ئه‌مریا خودێ دكه‌ت، و به‌رده‌وام یا دگونه‌هێدا هندی ئه‌و دوان جلكاندان بیت، به‌رامبه‌ر هه‌كه جلكێت شه‌رعی كرنه به‌رخۆ و ب ئنیه‌تا هندێ ئه‌ڤه فه‌رمانا خودێیه، به‌ردوام یا دگوهداریێدا، ڤێجا بلا به‌رێ خۆ بده‌تێ بۆ خۆ ژێ بگریت كا وێ دڤێت به‌رده‌وام دگونه‌هێدابیت یان دڤێت دخێرێ و د گوهداریێدا بیت، و جلكی ژنی د ئیسلامێدا چ ناڤێت تایبه‌ت نینن، به‌لی مه‌رج و سالوخه‌تێت تایبه‌ت ییت هه‌ین هه‌ر گاڤا ئه‌ڤ مه‌رج و سالوخه‌ته د جلكێدا په‌یدا بوون ئه‌و جلك یێ دورسته و شه‌رعییه چ ناڤ و ره‌نگ هه‌بن، و هه‌كه ئه‌و مه‌رج و سالوخه‌ت نه‌بوون جلك نه‌یێ شه‌رعییه و نه دورسته چ ناڤ و ره‌نگ هه‌بیت، و ئه‌و مه‌رج ژی ئه‌ڤه‌نه يێ فره‌ھ بيت له‌شێ ژنێ هه‌ميێ ـ ژبلى ده‌ست و سه‌ر وچاڤ و پيان ـ بگريت، و یێ ته‌نگ نه‌بيت و يێ رۆن نه‌بيت له‌شێ ژنێ تێرا بێته ديتن، و دڤێت زێده يێ چاڤكێش نه‌بيت و ژ وان جلكان بيت يێت تايبه‌ت ب ژنێ و ژن بكه‌نه به‌ر خۆ و نه‌وه‌كى جلكێت زه‌لامان بيت ئه‌وێت تايبه‌ت ب زه‌لامانڤه و نه وه‌كى جلكێت ژنێت بێ سنج بيت، ڤێجا هه‌ر جلكێ هه‌بيت ـ ناڤێ وى چ بيت ـ ئه‌ڤ مه‌رجه تێدا هه‌بن جلكه‌كێ شه‌رعيه و دورسته ژن بكه‌تێ، و هه‌كه ته‌نوره‌ی ئه‌ڤ مه‌رجه تێدا بن دورسته و هه‌كه یێ ته‌نگ بیت نه خاسمه نافته‌نگا ژنێ ب شدینیت دڤێت كراسه‌كێ ب كه‌تێ سه‌رادا بهێت دا ئه‌و ته‌نگیا دنافتنه‌گا وێرا چی بووی بێته ڤه‌شارتن و خودێ چێتر دزانیت.
