بەرسڤێت ل دۆر كاروبارێت گشتى يێت ژنێ

ب : ئه‌ڤه‌ رێكه‌كا خه‌له‌ته‌ برا دده‌ته‌ به‌رخۆ دا پشك و بارێت خویشكێت خۆ نه‌ ده‌تێ و خۆ دلره‌حه‌ت ببینیت و بێژیت مانێ وێ ئه‌ز ئازاكرم، زانایێت مه‌ نه‌خاسمه‌ شافعی و حه‌نبه‌لی دبێژن یێ ب دارێ شه‌رمێ دهێته‌ وه‌رگرتن یێ حه‌رامه‌ و نه‌ دورسته‌، چونكی پێغه‌مبه‌ر سلاڤێت خودێ ل سه‌ربن دبێژیت: (لا يحل مال امرئ مسلم إلا بطيب نفس منه) مالێ موسلمانی حه‌لال نابیت ئه‌گه‌ر ب دلێ وی نه‌بیت و ئه‌ڤه‌ ب شیر و دارێ شه‌رمێ ژێ هاته‌ ستاندن و ئبن حه‌جه‌ر هه‌یته‌می ئیجماعا زانایان ڤه‌دگێریت ل سه‌ر حه‌رامیا مالێ دڤی كراسیدا دهێته‌ وه‌رگرتن چونكی شیرێ شه‌رمێ وه‌كی شیرێ به‌رده‌سته‌ كا چاوا بن سه‌هم و ترسا شیری نابیت مالێ موسلمانی لێ بێته‌ وه‌رگرتن و حه‌لال نابیت هوسا یێ ب شیرێ شه‌رمێ ژی دهێته‌ وه‌رگرتن هوسایه‌ حه‌لال نابیت ئه‌گه‌ر یێ به‌رامبه‌ر ب زانیت ژ شه‌رماندا و نه‌ ب دلێ خۆ دایێ و خودێ چێتر دزانیت.