ب: بێگومان كچ هه‌كه هاته شیا و شینه‌كر و گیرو بوو به‌رهنگاری نه‌خوشیان دبیت و مافێ وێیه شیكه‌ت و خوشیا هه‌ڤژینیێ ببه‌ت به‌لێ هه‌كه گیرو بوو و نه‌شیكر و مر و نه‌شیكری ئه‌و بێنفره‌هی و صه‌برێ كێشایی هه‌می دێ بۆ خێر هێته نڤیسین و ب ڤی ره‌نگی یا خودان خێره چونكی وێ خو پاك وده‌همه‌ن پاك پارازت و هه‌تا چویه به‌ر دلوڤانیا خودێ پێغه‌مبه‌ر سلاڤێت خودێ ل سه‌ربن ڤ ڤه‌گێرا موسلمیدا دبێژیت: (عَجَباً لأمْرِ الْمُؤْمِنِ إِنَّ أَمْرَهُ كُلَّهُ لَهُ خَيْرٌ، وَلَيْسَ ذَلِكَ لأِحَدٍ إِلاَّ للْمُؤْمِن: إِنْ أَصَابَتْهُ سَرَّاءُ شَكَرَ فَكَانَ خَيْراً لَهُ، وَإِنْ أَصَابَتْهُ ضَرَّاءُ صَبَرَ فَكَانَ خيْراً لَهُ) ئەز یێ سەیر و عەجێب گرتیمە ژ کارێ باوەریداری، ھەکە کەیف گەھشتێ و شوکر کر، بۆ خێرە، و ھەکە نەخۆشی گەھشتێ و سەبر کێشا، بۆ خێرە، و بێهن فره‌هیكرن ل سه‌ر نه‌شیكرنێ بێگومان خێره به‌لێ هه‌كه مر و نه شیكری كا شه‌هیده ئان نه دڤه‌گێره‌كا پێغه‌مبه‌ریدا هاتیه سلاڤێت خودێ ل سه‌ربن دبێژیت: (الشَّهَادَةُ سَبْعٌ سِوَى الْقَتْلِ في سَبِيلِ اللَّهِ الْمَطْعُونُ شَهِيدٌ وَالْغَرِقُ شَهِيدٌ وَصَاحِبُ ذَاتِ الْجَنْبِ شَهِيدٌ وَالْمَبْطُونُ شَهِيدٌ وَصَاحِبُ الْحَرْقِ شَهِيدٌ والذي يَمُوتُ تَحْتَ الْهَدْمِ شَهِيدٌ وَالْمَرْأَةُ تَمُوتُ بِجُمْعٍ شَهِيدَةٌ) شه‌هید ژ بلی ئه‌وێ دخه‌زایێدا دهێته كوژتن حه‌فتن یێ ب تاعونێ بمریت شه‌هیده و خه‌ندقی شه‌هیده و ته‌نشت كولدار شه‌هیده و هناڤدار شه‌هیده سوتی شه‌هیده و یێ بن تشته‌كێ ب كه‌ڤیت شه‌هیده و ژنا ب حال بمریت شه‌هیده و هنده‌ك زانا دبێژن (وَالْمَرْأَةُ تَمُوتُ بِجُمْعٍ) ئه‌و ژنه یا هێژ كچ و نه‌شیكری بمریت به‌لێ ئه‌ڤه نه یا ب هێزه و یا دورست مه‌خسه‌د پێ ئه‌و ژنه یا ژ ب چێكێ خوڤه دمریت یان ژی د كراسێ بچویك بونیدا دمریت.
