ب: زانا دبێژن بۆچی دینارێ ل سه‌ر مالێ ژنێ دهێته دهێته مه‌زخاندن ژ هه‌میان ب خێرتره؟!!! چونكی ئه‌و ل سه‌ر وی ئه‌ركه و واجبێ عه‌ینییه، ئه‌وێت دی ل سه‌ر هنده‌كێت دی ئه‌رك و واجبه، به‌لێ مه‌زخاندن ل سه‌ر هه‌ڤژینا وی و مالا وی ل سه‌ر وی تنێ واجبه، به‌لێ هه‌تا خێر بۆ زه‌لامی بێته نڤیسن، دڤێت ئنیه‌ت یا به‌رهه‌ڤ و ئاماده‌بیت، و ئنیه‌تا خێرێ ل گه‌ل مه‌زخاندنێ هه‌بیت؛ چونكی پێغه‌مبه‌رێ خوشتڤی سلاڤێت، سلاڤێت خودێ ل سه‌ربن، دبێژیت: (إنَّما الأَعمالُ بالنِّيَّات، وإِنَّمَا لِكُلِّ امرئٍ مَا نَوَى) ب راستى هه‌مى كار و كريار ب ئنيه‌تانه، و ب راستى بۆ هه‌ر مرۆڤه‌كێ كا چ ئنيه‌ت ئينايه دێ ئه‌و بيت، و دڤه‌گێره‌كا بوخاری و موسلمیدا ئه‌بو مه‌سعودێ به‌دری دبێژیت پێغه‌مبه‌ری سلاڤێت خودێ ل سه‌ربن گۆت: (إِذَا أَنْفَقَ الرَّجُلُ على أَهْلِهِ نفقَةً يحتَسبُها فَهِي لَهُ صدقَةٌ) ھه‌که زه‌لام ب ئنیه‌تا خێرێ مه‌زاختنه‌کێ د به‌ر مالا خۆرا بمه‌زێخیت، ئه‌و بۆ سه‌ده‌قه‌یه. به‌رێ خۆ بده په‌یڤا (يحتَسبُها) ب ئنیه‌تا خێرێ، و هه‌كه ئه‌و ئنیه‌ت نه‌بیت یێ خوساره‌ته، عیرباضێ كورێ سارییه‌ی دبێژیت: من گۆل پێغه‌مبه‌ری بوو سلاڤێت حودێ ل سه‌ربن گۆت: (ان الرجل إذا سقى امرأته من الماء أجر) هه‌كه زه‌لامی ئاڤ دا هه‌ڤژینا خۆ، خودان خێره، پا تو بۆ مه‌زخاندنێ چ دبێژی؟! چاوا خودان خێر نابیت، زانا دبێژن؛ دا زه‌لام به‌خیلی و قه‌لسی و چرویكیێ ده‌مزخاندنێدا ل سه‌ر مالێت خۆ نه‌كه‌ن، خودێ كارێ وان د مه‌زخاندنێدا هه‌مێ ب خێر و سه‌ده‌قه هه‌ژمارت، و وه‌ستیانا وی دویف كاری و رزقیڤه بۆ گه‌نه‌هێت وی كره گۆنه‌ھ ژێبرن پێغه‌مبه‌رێ خوشتڤی سلاڤێت سلاڤێت خودێ ل سه‌ربیت دبێژیت: (من بات كالا من عمله بات مغفورا له) یێ شه‌ڤ وه‌ستیای لێ ببیت دویف حه‌لالیڤه شه‌ڤ لێ بوو گونه‌ھ ژێبری، بۆ ئه‌ڤ هه‌ردوو خه‌لاته داینێ؟ ئێك هه‌می سه‌ده‌قه و خێر بۆ بێته نڤیسین، و كارێ وی و وه‌ستیانا وی ببیته گونه‌ھ ژێبرن؛ دا چوریكی و قه‌لسیێ دمه‌زخاندنێدا نه كه‌ت، و دا هه‌ست ب وه‌ستیانێ نه كه‌ت و شولی خۆ بكه‌ت، ڤێجا نابیت ئه‌و مه‌زخاندنا خۆ ل سه‌ر هه‌ڤژینا خۆ بكه‌ته منه‌ت، جاره‌كێ ئه‌و مافێ وێیه، و و ده‌مێ ئه‌و مافێ وێ دده‌تێ چو منه‌تان لێ ناكه‌ت، و پاشی ئه‌رك و واجبه ل سه‌ر وی ئه‌و ب ئه‌ركێ خۆ راببیت، و ل گه‌ل ڤێ مه‌زخاندنێ نابیت ئه‌و ده‌ستێ خۆ ب چو رێكان درێژكه‌ته مالێ هه‌ڤژینا خۆ، ب دلێ وێ نه‌بیت، به‌لێ هه‌كه بێ خاپاندن و گڤاشتن بێت، یێت به‌رده‌ست یان ده‌رونی هنگی دورسته مالێ ژنێ بخۆت (هنیئا مریئا).
