ب : ب راستی زیان دوو ره‌نگه، یا به‌رده‌ست و به‌رچاڤ دهێته دیتن، و ئه‌زیه‌تا نه‌به‌رده‌ست و ده‌رونی، وه‌كی به‌رده‌وام چاڤێت خۆ لێ بكه‌ته گرێ، و ل گه‌ل نه ئاخڤیت، و رویێ خۆ لێ ڤه‌نه‌كه‌ت، و پویته نه ده‌تێ، و داخوازیێت وێ ب جھـ نه ئینیت، و رێز و حورمه‌تێ نه ده‌تێ و رێزێ لێ نه‌گریت، ئه‌ڤ ره‌نگێ ئه‌زیه‌تێ ژ ده‌ستدرێژیێ و ئه‌زمان تیژیێ كێمتر نینه، به‌لكی ئه‌زیه‌تا ده‌رونی دبیت گه‌له‌ك ژ یادی گران و نه‌خوشتربیت و ژ زیانكرنێیه موچێ وێ بخۆت، و پارێت وێ بخۆت، هه‌لبه‌ت بێ ده‌ستوری و ئزنا وێ، و میرات ژێ بێته ستاندن، و زێرێ وێ بێی وێ بێته فروتن، و ژێ بێته ستاندن، و دیاریێت بۆ دهێن زه‌لام بێی وێ بكه‌ته د به‌ریكا خۆدا، دڤێت زه‌لام خۆ ژ ڤان ره‌نگه سته‌مان ب ده‌ته پاش، و دڤێت سه‌ره‌ده‌ریه‌كا دورست ل گه‌ل هه‌ڤژینا خۆ بكه‌ت، به‌ری ئه‌و ژنا وی بیت، ئه‌و خویشكا وییه د مرۆڤایه‌تێدا، و هه‌كه ئه‌ڤه به‌ر چاڤ نه‌گرت، خویشكا وییه د ئیسلامه‌تیێدا، و كه ئه‌ڤه ژێ به‌ر چاڤ نه‌گریت هه‌ڤپشكا ژیانا وییه، و هه‌كه ئه‌ڤه ژی به‌رچاڤ نه‌گرت، جیرانا به‌ر ته‌نشتا وییه، ئبن كه‌سیر د ته‌فسیرا خودا، ژ ئیمام عه‌لی و ئبن مه‌سعود خودێ ژ هه‌ردویان رازی بیت و ژ عه‌بدولره‌حمانێ كورێ ئه‌بی له‌یلا و ئیبراهیمێ نه‌خه‌عی و حه‌سه‌نێ به‌صری و سه‌عیدێ كورێ جوبه‌یری ڤه‌دگوهێزیت خودێ ژ هه‌میان رازی بیت دبێژن: مه‌به‌ست ژ (والصاحب بالجنب) ژنه ئه‌وا به ته‌نشتا زه‌لامی دنڤیت.
ئه‌رێ ئه‌و زه‌لامێ زیانێ دگه‌هینیته ژنا خۆ، و سته‌مێ لێ دكه‌ت، و ئاخفتنێت دلئێش دبیژیتێ، ئه‌و رۆژا قیامه‌تێ دێ چ بێژیته خودایێ خۆ؟؟ دێ چاوا به‌رسڤا وی ده‌ت؟؟ هه‌كه ئه‌و ددونیایێدا یێ خۆدان ده‌سهه‌لات بوو ئه‌ڤرۆ وی چ ده‌سهه‌لات نینن، و ئه‌ڤرۆ رۆژا تولڤه‌كرنێیه، و كریارێت وی ل گه‌ل ژنا وی یێت وێ كتێبیدا یا خودێ چ ژێ نه‌هێلیت هه‌ره بچیت، هه‌تا مافێ سته‌ملێكری بۆ دزڤرینیت.
ئه‌و زه‌لامێ ئاخفتنیت زڤر و ره‌ق دبیژیته هه‌ڤژینا خۆ، ئه‌و دزانێت ئه‌و دلێ كێ دهێلیت، ژنا وییه، و هه‌ڤژینا وییه، و شریكا ژیانا وییه، و دایكا زاروكێت وییه، و كاڤانیا مالا وییه، و ئه‌میندار و زێره‌ڤانا مالا وییه، و به‌راهیك و دویماهیكا یا له‌واز و بێ ده‌سهه‌لاته، و پێغه‌مبه‌ر سلاڤێت خودێ ل سه‌ربن دبێژیت: (اللَّهُمَّ إِنِّى أُحَرِّجُ حَقَّ الضَّعيفينِ الْيَتِيمِ والمرْأَةِ) یا خودێ ئه‌ز گونه‌ھ ددانم یان حه‌رام دكه‌م، حه‌قێ هه‌ردوو بێ هێز و بێ چاره‌یان بێته خوارن سێوی و ژنێ، و دڤێت زه‌لام بزانیت ده‌مێ پێغه‌مبه‌ر سلاڤێت خودێ ل سه‌ربن دبێژیت: (المُسْلِمُ منْ سَلِمَ المُسْلِمُونَ مِنْ لِسَانِهِ ويدِهِ) موسلمان ئه‌وە یێ موسلمان ژ ئه‌زمان و دەستێ وی ب سلامه‌ت بن، و یا به‌ری هه‌میان و ژ هه‌میان هه‌ژیتر ژ ئه‌زمان و ده‌ستێ وی یێ ب سلامه‌ت بیت هه‌ڤژینا وییه، به‌لێ مخابن زه‌لام یێت هه‌ین، هه‌می ژ ده‌ست و ئه‌زمانێ وی یێت ب سلامه‌تن، هه‌ڤژینا وی نه‌بیت، ده‌ستێ خۆ بۆ درێژدكه‌ت، ئه‌زمانێ خۆ لێ تیژدكه‌ت، و ئاخفتنێت كرێت و بێ ریز د راستا ویدا دبێژیت، و ده‌ستێ خۆ لێ بلندكه‌ت، و هه‌رگاڤا تو شیره‌ت بكه‌ی دێ بێژیت: ئه‌ز عه‌صه‌بیكرم له‌وا، و ئه‌ڤه ئاخفتنه‌كا ژراستیێ دویره، یێ مرۆڤی عه‌صه‌بی دكه‌ت، شه‌یتانه نه ژنه، و ده‌مێ زه‌لام كه‌ربگرتی بووی وی گوهێ خۆ دا شه‌یتانی، و رێكا وی گرت، له‌وا دوی ده‌میدا ئاخفتن و هه‌لویست ژ وی چێدبن، و پشتی هنگی ل سه‌ر په‌شیمان ببیت، و ئها ئه‌ڤه‌یه كارێ شه‌یتانی.
