ب: مخابن گه‌له‌ك زه‌لام ڤێ چه‌ندێ بۆ خۆ ماف دزانن و ژ نه‌زانین دبێژن مانی خودێ ده‌ستویریا قوتانا وان یا دایی، و ئه‌ڤه ئاخفتنه‌كا نه‌یا راست و نه‌یا دورسته، خودایێ مه‌زن دبێژیت: (وَاللاتِى تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِى الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللَّهَ كَانَ عَلِيّاً كَبِيراً) و ئه‌و ژنێت ھوین ژێ دترسن کو گوھدارییا ھه‌وه نه‌که‌ن، خۆ ل سه‌ر زه‌لامێ خۆ مه‌زن بکه‌ن، و مافێت وان نه‌ده‌نێ، شیره‌تان ل وان بکه‌ن، و ژ خودێ و ئیزایا ڕۆژا قیامه‌تێ بترسینن، و ئه‌گه‌ر پاشڤه‌چۆن باشه، و نابیت چو ڕێکێت دی بگرن، و ئه‌گه‌ر نه، خۆ ژ نڤینا وان بده‌نه پاش، ئانکو ل سه‌ر نڤینا وێ بن، به‌لێ پشتا خۆ بده‌نێ و پویته پێ نه‌که‌ن، و ھه‌که ب ڤێ چه‌ندێ ژی نه‌ھاته ڕێ، ڤێجا لێ بده‌ن به‌لێ لێدانه‌کا بێ ئێش، ڤێجا ئه‌گه‌ر گوھێ خۆ دانه ھه‌وه، ھوین چو ھێجه‌تان ھلنه‌ئێخن کو ھوین خورتی و سته‌مێ لێ بکه‌ن، ب ڕاستی خودێ یێ بلند و مه‌زنه، ئانکو پشتی گوھدارییا ھه‌وه کرین، ئه‌گه‌ر سته‌مێ لێ بکه‌ن، بزانن خودێ ژ ھه‌مییان مه‌زنتره، و ل سه‌ر ھه‌وه ده‌ستھه‌لاتداره ھه‌روه‌کی ھوین ل سه‌ر وان ده‌ستھه‌لاتدار، و بۆ ھه‌وه ناھێلیت، گه‌ل من به‌رێ خۆ بدێ، پێنگاڤا ئێكێ ئه‌وه شیره‌ت ل ژنێ بێنه‌كرن، و شیره‌ت نه فه‌رمانن، شیره‌ت شروڤه‌كرنه، و دیاره‌كرنا حوكمێ شه‌رعیه، و ترساندنه ب خودێ و رۆژا قیامه‌تێ، به‌لێ ر‌ێژه‌یا هه‌را بلند و پتریا زه‌لامان دناڤبه‌را (َفعِظُوهُنَّ) و فه‌رمانێت خۆ تێكه‌ل دكه‌ن و فه‌رمانێت خۆ شوینا (َفعِظُوهُنَّ) ددانن، و ئه‌ڤه زێده یا شاش و خه‌له‌ت و له‌نگ و نه دورسته، و ئێكسه‌ر دێ چیته (وَاضْرِبُوهُنَّ) و دێ قوتانه‌كا ڤه‌كری قوتیت، و بۆ خۆ دوست ژی د دانیت، و ئه‌ڤه نه یا دورسته جاره‌كێ (وَاضْرِبُوهُنَّ) قونه‌غه‌كا گیربوییه، و هه‌كه پێگری ب ره‌نگه‌كێ دورست ب قوناغێت به‌ری وێ نه هاته كرن دبنیرا نا بیت ئه‌م ب چینه قوناغا دی، و گه‌له‌ك زانایێت مه دبێژن (وَاضْرِبُوهُنَّ) مه‌خسه‌د پێ پالدانه و هه‌ر هند، و هنده‌كێت دی دبێژن ب سیواكێ پێڤه‌تر نا هێته قوتان، ئه‌و ژی سیواكه‌كێ بچویك و نابیت ده‌ھ جاران ب بوریت، و پشتی هه‌می قویناغ ب دورستی و بێ كیماسی ب جھـ ئیناین و هه‌ر مفا نه‌دایی، دورسته ب چویته قوتانی، به‌لێ دڤێت ئێك: خه‌به‌ر و ئاخفتنێت زڤر ل گه‌ل نه‌بن، دوو، دڤێت سه‌روچاڤ نه‌بن، سێ: دڤێت هه‌ستی یێ ب سلامه‌ت بیت، چار: دڤێت خوین ژێ نه‌هێته ئینان، ل گه‌ل ڤێ ژێ دڤێت ئه‌م بزانین پێغه‌مبه‌رێ خوشتڤی سلاڤێت خودێ ل سه‌ربن، ژییێ بیست و پێنجێ ژن ئینایه، و شیست و سێ سال ژی برینه، و پتر هه‌ڤژینه‌كێ هه‌بوون، و ل گه‌ل هندێ ژی ده‌ستێ خۆ دبنیرا بۆ چ هه‌ڤژینێت خۆ بلند نه‌كریه، و دڤێت پێغه‌مبه‌رێ خوشتڤی سلاڤێت خودێ ل سه‌ربن جاڤلێكریێ مه‌بیت و چاڤ ل وی بكه‌ین، و ده‌ستێ خۆ بۆ ژنان بلند نه‌كه‌ین؛ چونكی خودایێ مه‌زن دبێژیت: (لَقَدْ كَانَ لَكُمْ فِى رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الاٌّ خِرَ وَذَكَرَ اللَّهَ كَثِيراً) ب سویند پێغه‌مبه‌رێ خودێ بۆ ھه‌وه باشترین نموونه بوو، چاڤ لێ بێته‌کرن د باوه‌رموکومییێدا و د خۆڕاگرتن و سه‌برکێشانێدا، وه‌ختێ ته‌نگاڤی و نه‌خۆشییان و دسه‌ره‌دیا ویدا ل گه‌ل هه‌ڤژینیت وی و د هه‌می كاروبارێت ویدا، بۆ وی یێ ژ خودێ و ڕۆژا قیامه‌تێ بترسیت، و گه‌له‌ک زکرێ خودێ بکه‌ت و خودێ ھه‌ر ل بیرێ بیت.
